Provincia histrian
Le Provincia histrian[1] (vocate etiam Region histrian, Le Histriana, o simplemente Histria per metonymia con le peninsula integral; in croato: Istarska županija o Istra; in italiano: Regione istriana o Istria) es un administration territorial de prime nivello de Croatia, le plus occidental e le unic bilingue croato e italiano, a causa de su historia ligate al nation italian. Illo occupa le major parte de Histria, homonyme peninsula baniate per le mar Adriatic. Le confines terrestre del provincia son a nord con Slovenia e a est con le Provincia litoral-montan, sur le baia del Quarnero. Su capital es Pola, antique citate illyric e post latin al puncta meridional del peninsula, que conserva hodie un bellissime arena ancora in uso, le Amphiteatro Polese.
- ↑ Derivation: Entitates: 1. (it) Regione istriana || 2. (es) Condado de Istria || (pt) Condado da Ístria || 3. (fr) Comitat d'Istrie || 4. (en) Istria County || Controlo: (de) Gespanschaft Istrien || (ru) Истарска || - (Extra): (la) Histriana (regio Croatiae)
