Sabbato
Le sabbato[1] es secundo le norma ISO 8601 le sexte die del septimana.
Etymologia
modificarInitialmente le romanos lo appellava Dies Saturni (die de Saturno). Postea su nomine esseva cambiate in Sabbatum del hebreo Shabbat (die de reposo) proque in iste die le judeos adorava lor Deo.
Judaismo
modificarIn judaismo le sabbato es le die sancte septimanal. Pro tote le dies judee le initio es al poner del sol; le duration de sabbato es approximamente 25 horas, de 18 minutos ante del poner del sol de venerdi usque le tempore le proxime die quando le celo es tan obscure que tres stellas pote ser vidite (o sia visibile si le celo era clar). Le duration es plus que 24 horas proque un margine es includite pro assecurar que le periodo sancte non es violate.