Terra Australis

Terra Australis
	instantia de: fictional continent[*]
	;
	Commons: Terra Australis

Il non ha versiones revidite de iste pagina, dunque su qualitate forsan non ha essite verificate.

Le Terra Australis (latino pro Terra del Sud) es un hypothetic continente prime supponite in le antiquitate e que appareva in le mappamundis europee inter le seculos 15e e 18e. Le existentia del Terra Australis non ha essite basate in nulle recerca practic o observation directe, ma in le idea de que le territorios continental del hemispherio nord debeva esser equilibrate per altere territorios terrestre al sud^[1]. Iste pseudotheoria del equilibrio del Terra ha essite documentate desde le seculo 5e in le mappas de Macrobius, que usa le termino Australis in su mappas^[2].

Mappamundi de 1564 facite per Abraham Ortelius describente le *"Terra Australis Nondum Cognita"* (in Interlingua: 'Terra del Sud Totevia non Cognoscite') como un grande continente in le parte inferior del mappa e include tamben un continente Arctic.

In le medietate del seculo 19e, le explorator britannic Matthew Flinders ha popularisate le termino Australia pro referer se al continente australian depost de iste haber essite nominate como Terra Australis durante seculos, explicante que non haberea 'probabilitate' de incontrar qualque massa de terra significative in qualque loco plus al sud de Australia^[3]. Le continente que vadera esser nominate Antarctica esserea explorate solmente decades depost del libro de Flinders super le Australia esser publicate in 1814, intitulate A Voyage to Terra Australis, e depost de su cambiamento de nomine haber essite popularisate.

Altere nomines

Le termino 'Terra Australis' es un inter le multe nomines usate pro describer le grande massa de terra que hodiernemente es cognoscite como le continente de Australia, post de su discoperta per le europee. Altere nomines pro le hypothetic massa de terra del hemispherio sud include 'Terra Australis Ignota', 'Terra Australis Incognita' (in Interlingua: 'Le Incognoscite Terra del Sud') o 'Terra Australis Nondum Cognita' ('Le Terra del Sud Tosto non Cognoscite'). Altere nomines pro le hypothetic continente ha includite 'Brasiliae Australis' ('Le Sud del Brasil'), 'Magellanica' ('Le Terra de Magellan'), 'La Australia del Espíritu Santo' (desde le espaniol: 'Le Terra del Sud del Spirito Sancte') e 'La Grande Isle de Java' (desde le francese: 'Le Grande Insula de Java'). Altere nomines usate pro referer se al continente es Nove Hollanda e Australia.

Referentias

↑ John Noble Wilford: The Mapmakers, the Story of the Great Pioneers in Cartography from Antiquity to Space Age, p. 139, Vintage Books, Random House 1982, ISBN 0-394-75303-8
↑ Ambrosius Aurelius Theodosius Macrobius, Zonenkarte. Viste in 7 Julio 2014.
↑ Matthew Flinders, A voyage to Terra Australis (Introduction). Viste in 25 Januario 2013.

[1] John Noble Wilford: The Mapmakers, the Story of the Great Pioneers in Cartography from Antiquity to Space Age, p. 139, Vintage Books, Random House 1982, ISBN 0-394-75303-8

[2] Ambrosius Aurelius Theodosius Macrobius, Zonenkarte. Viste in 7 Julio 2014.

[3] Matthew Flinders, A voyage to Terra Australis (Introduction). Viste in 25 Januario 2013.

[1]

[2]

[3]