Ramen
Ramen (拉麺, ラーメン tauka らあめん, rāmen) nya siti pemakai bansa mi ari menua Jipun. Pemakai tu ngundan mi gandum gaya China (中華麺, chūkamen) dipantaika enggau kuah. Asai pemakai tu ti suah iya nya kichap enggau miso, sereta lauk ke suah baka jani dipepat (chāshū), nori (rumpai tasik rangkai), menma (jabau), enggau daun bawang. Ramen bepun ari pemakai mi China lalu nyadi sebagi ari pemakai China Jipun.[1] Semak serata kandang menua Jipun ngembuan variasyen ramen sida empu, baka ramen tonkotsu (kuah tulang jani) ari Kyushu enggau ramen miso ari Hokkaido.
 Shōyu ramen | |
| Nama bukai | Nankin soba, shina soba, chūka soba |
|---|---|
| Bansa | Mi sup |
| Penatai | Jipun China (asal) Yokohama Chinatown, Jipun (adaptasyen) |
| Menua | Asia Timur |
| Utai dikena | Mi gandum gaya Chuna, kuah dagin tauka ikan, engkayu tauka dagin |
| Variasyen | Mayuh varian, kelebih agi pelilih menua, enggau mayuh macham ramu sereta topping |
Asal ramen ulih dipansik baru ngagai Yokohama Chinatown ba pun abad ke-20. Leka jaku "ramen" tu jaku Jepun ti nginjau leka jaku China lamian (拉麵), ti mai reti "mi tarit", tang pemakai tu ukai datai ari pemakai China utara iya nya lamian. Tang, pemakai tu berevolusyen ari pemakai mi China selatan ari pelilih menua baka Guangzhou, ti ngayanka demografi orang China ke diau ba Yokohama. Ramen majak tebilang di Jepun, kelebih agi maya suntuk pemakai pengudah Perang Dunya Kedua. Dalam taun 1958, mi segera ditemu Momofuku Ando, lalu ngasuh pemakai tu tebilang agi.
Kemaya hari tu, ramen nyadi ikon budaya di Jepun, enggau mayuh macham bansa pelilih menua sereta mayuh macham lauk. Siti ari chunto iya nya ramen miso Sapporo, ramen asai garam Hakodate, mi tebal rata thick dalam kuah jani-enggau-niboshi Kitakata, ramen gaya Tokyo enggau kuah manuk asai kichap, ramen lekei enggau kuah jani asai kichap Yokohama, kuah kichap enggau tulang jani Wakayama, and kuah tonkotsu (tulang jani) Hakata. Ramen bisi dijual ba mayuh bengkah palan enggau endur, enggau kualiti ke pemadu manah ke selalu ditemu ba kedai pakar ramen ke dikumbai ramenya (ラーメン屋).
Populariti Ramen udah ngerembai ngagai luar menua Jipun. Ba Korea, ramen mega dikelala enggau nama asal iya, sereta ngembuan pemakai variasyen mi tu ti dikumbai ramyeon (라면). Ba China, ramen dikumbai rìshì lāmiàn (日式拉面/日式拉麵 "lamian gaya Jipun"). Ramen mega udah majak nyadi tebilang ba rentayan restoran Barat. Ramen jampat dieksport ari Jipun dalam taun 1971 lalu udah nya bulih kelala entarabansa.
Malin
edit- ↑ "日本のラーメンの歴史 – 新横浜ラーメン博物館". Raumen.co.jp. Retrieved 2022-05-25.