Relativitá general
Relativitá general o li teorie general de relativitá es li geometric theorie de gravitation publicat per Albert Einstein in 1916 [1] e es li description current de gravitation in modern fisica. Relativitá general expande relativitá special e li lege de gravitation universal de Newton por provider un descrition unificat de gravitá quam un proprietá geometric de spacie e tempor, o spacie-tempor. Li curvatura de spacie-tempor es directmen relate al quar-momente (energie de masse e momente lineari) de qualcunc materie e radiation es present. Li relation es specificat per li equationes de campe de Einstein, un sistema de partial diferential equationes.
Multi preditiones de relativitá general difere significantmen de tis de classic fisica, specialmen pri li passage de tempor, li geometrie de spacie, li motion of corpores in liber cade, e li propagation de lumine. Exemples de tal diferenties include gravitational dilatation temporal, li gravitational change rubial de lumine, e li gravitational retardation temporal. Predictiones de relativitá ha esset confirmat in omni observationes e experimentes al presente. Benque relativitá general ne es li sol relativistic theorie de gravitá, it es li max simpli theorie que es consistent con data experimental. Tamen, questiones sin response remane, li max fundamental esser quam relativitá general posse esser reconciliat con li leges de fisica quantic de producer un complet e autoconsistent theorie de gravitá quantic.
Relativitá general have important implicationes in astrofisica. Por exemple, it implica li existentie de fores nigri — regiones de u spacie-tempor es distordet tal que nequo, includent lumine, posse escapar — quam un statu final por massiv stelles. Hay ampli atestation que tal stellari fores nigri e li max massiv varietás de fore nigri es responsabil por li intens radiation emisse per alcun tipes de objectes astronomic, quam activ nucleos galaxic o quasares.
Li curvante de radies luminal per gravitá posse causar li fenomen de refraction gravitational, u multiplic images del sam distant objecte astronomic es visibil in li celo. Relavitá general anc predi li existentie de undes gravitational, quel ha esset mesurat indirectmen; un directe mesuration esset fat per LIGO e NASA/ESA LISA. Relativitá general es li base de current modelles cosmologic de un consistentmen expandent universe.