Mecanica classic
In fisica, mecanica classic es un del du major subcampes de mecanica, que concerne se del colection de leges fisic que descri li motion de córpores per li action de un sistema de forties. Li studie del motion de córpores es ancian; mecanica classic es un del max old e max grand temas in scientie, ingenierie, e technologie.
Mecanica classic descri li motion de coses macroscopic, de projectiles a partes de machinerie, anc quam objectes astronomic, tal quam vehicules spacial, planetes, stelles, e galaxies. Adplu, multi specialisationes intern li subjecte tracta de gases, liquides, solides, e altri specific subtemas.
Mecanica classic provide extremimem exact resultes in li limite de grand objectes e rapiditá mult minu li rapiditá de lumine. Por tre micri objectes, tamen, it es necessi de introducer le altri major subtema del mecanica, mecanica quantic, quel reconcilia li leges macroscopic de fisica con li natura atomic de materie e describe li dualita unde-particulari de atomes e molecules. In li casu de alt velocitári objectes que aproxima al rapiditá de lumine, mecanica classic esaugmentat con relativitá special. Relativitá general uni relativitá special con li lege de gravitation universal de Newton, permisser fisicos de explicar gravitation a un plu profund nivelle.
Li termino mecanica classic esset originat in li prim decennies del 20me secul de descrir li sistema de fisica comensat per Isaac Newton e mult contemporan filosofes natural del 17me secul. It constructet sur li anteriori teorias astronomic de Johannes Kepler (que esset basat sur li precis observationes de Tycho Brahe) e li studies de terrestri motion projectil de Galileo. Pro que tis aspectes de fisica esset developat ante li emergentie de fisica quantic e le teories de relativitá, alcun fisicos exclude relativitá ex ti-ci categorie. Tamen, un númere de modernes include mechanica relativistic in mechanica classic, pro que it es deterministic e exacte.