Santiago de Querétaro

Santiago de Querétaro es un cité in li state de Querétaro. It es anc li capitale del state de Querétaro. It have 626,495 (2010) habitantes. It es li cité con li max grand population in Querétaro, e li max grand cité secun superficie, quel atinge 363 km². Li municipal presidente es Luis Nava. It es un del max secur cités de Mexico, secun Standard & Poor's e li mexican jurnale Reforma.

Santiago de Querétaro esset fundat in julí 25, 1531.

Historie

Hernán Pérez Bocanegra y Córdoba fundat li cité de Santiago de Querétaro, con Conín, un chef Otomi.

Assassination de Imperator Maximilian I

Li Imperator Maximillian I de Mexico esset assassinat in Querétaro.

Clima

Li clima in Querétaro es semi-arid, con 527.5 millimetres de pluvie chascun annu. Usualmen, pluvie cade desde junio til august. Durant li altri mensus pluvie es mult plu rari, particularmen in li hiverne quande it pluvia medialmen solmen un o du vezes in un mensu.

Patrimonie del Homanité

Li historic centre de Querétaro esset declarat un Patrimonie del Homanité per UNESCO in 1996. Li architectural stil de ti zone es baroc.

Li cité de Querétaro anc have mult árbores de Jacaranda.

Sport

Li Estadio Corregidora es un futballe stadion in Querétaro. It es un del max grand o modern stadiones in Mexico. Querétaro F.C. lude in ti stadion.

Li Parque Querétaro 2000 es un sport-complexe in Querétaro. Quam on posse adivinar per su nómine, it esset edificat in 2000.