Baybay ti Marmara

Baybay ti Marmara
Baybay ti Marmara
	Mapa ti Baybay ti Marmara
Lokasion	Europa ken Asia
Nagsasabtan	40°41′12″N 28°19′7″E / 40.68667°N 28.31861°ENagsasabtan: 40°41′12″N 28°19′7″E / 40.68667°N 28.31861°E
Kita	Baybay ti uneg ti daga
Patubo a nagan	Marmara Denizi
Kangrunaan a sumrekan	Karayan Simav, Biga Çayı, Karayan Nilüfer
Kangrunaan a rummuaran	Linglingsat Turko
Pagayusan a lugar	11,500 km2 (4,400 sq mi)
Pagpagilian ti labneng	Turkia
Kalawa ti rabaw	11,350 km2 (4,380 sq mi)
Agpakatengnga a kaadalem	494 m (1,621 ft)
Kaadaleman	1,370 m (4,490 ft)
Tomo ti danum	3,378 km3 (810 cu mi)
Is-isla	Isla Marmara, Avşa, İmralı, Is-isla Prinsipe, Paşalimanı ken Isla Ekinlik
Dagiti pagtaengan	Istanbul, Bursa, İzmit, Tekirdağ, Balıkesir, Çanakkale, Yalova ken dagiti ilida

Ti Baybay ti Marmara /ˈmɑːrmərə/ (Turko: Marmara Denizi, Griego: Θάλασσα του Μαρμαρά), ammo pay a kas ti Baybay ti Marmora wenno ti Baybay Marmara, ken iti konteksto ti klasiko a kinaugma a kas ti Propontis (Griego: Προποντίς), ket ti baybay ti uneg ti daga, nga intero nga addaan kadagiti pagbeddengan ti Turkia a mangikapet iti Baybay Nangisit aginggana iti Baybay Egeo, isu a mangisina daytoy iti kadagiti parte ti Turkia iti Asia ken Europa. Ti lingsat ti Bosporo ket mangikapet daytoy iti Baybay Nangisit ken ti lingsat ti lingsat ti Dardanelo aginggana iti Egeo. Ti Bosporo ket mangisina pay iti Istanbul kadagiti bangirna iti Asia ken Europa. Ti baybay ket addaan iti kalawa iti 11,350 km² (280 km x 80 km)^[1] ken ti kaadaleman a partena ket umabot iti 1,370 m (4,490 ft).

Retrato ti baybay ti Marmara manipud iti limbang (STS-40, 1991). Ti baybay ket ti namarisan iti napusasaw a bagi ti danum.

Nagan

Mangala ti nagan ti baybay manipud iti isla ti Marmara a nabaknang kadagiti rekurso ti marmol, manipud iti Griego iti μάρμαρον (marmaron), "marmol".^[2]

Ti Griego a taga-ugma a nagan ti baybay ket Propontis a naala manipud iti pro- (sakbay) ken pontos (baybay), a naala gapu ta dagiti Griego ket naglayagda iti daytoy tapno maabutda ti Baybay Nangisit, ti Pontos. Iti [[Griego a mitolohia], ti bagio iti Propontis ket nangisubli kadagiti Argonauta iti isla a pinanawanda ken nangrugian daytoy iti gubat a pinatay ni Jason wenno ni Heracles ni Ari Cyzicus, a nakaallilawanna kadagiti kabursorna a Pelasgian enemies.^[3]

Heograpia

Ti kaapgad ti rabaw ti baybay ket agpakatengnga iti agarup a 22 a parte iti tunggal maysa a ribu ken naapapgad daytoy bassit ngem ti Baybay Nangisit ngem agarup laeng a a dua a pagkatlo kadagiti taaw. Naapapgad ti danum iti sirok ti baybay ken agpakatengnga ti kaapgadna iti agarup a 38 a parte iti tunggal maysa a ribu — ken maipada daytoy iti Baybay Mediteraneo. Daytoy a nangato ti densidadna a naapgad a danum, kas iti Baybay Nangisit, ket saan a mapan iti rabaw. Ti danum manipud kadagiti karayan ti Susurluk, Biga (Granicus) ken Gonen ket mangpabassit pay ti kaapgad ti baybay, ngem basbassit ti impluensiana ngem ti Baybay Nangisit. Gapu ta bassit laeng ti daga idiay Tracia nga agayus nga agpaabagatan, gangani amin dagitoy a kayrayan ket agayus manipud iti Anatolia.

Ti baybay ket aglaon iti purpuro ti Is-isla Prinsipe ken Isla Marmara, Avşa ken Paşalimanı.

Ti abagatan nga aplaya ti baybay ket nakaro a nalennekan, ken mairaman ti Golpo ti Izmit (Turko: İzmit Körfezi), ti Golpo ti Gemlik (Turko: Gemlik Körfezi) Golpo ti Bandırma (Turko: Bandırma Körfezi) ken ti Golpo ti Erdek (Turko: Erdek Körfezi).

Sakup

Ipalawag ti Gunglo ti Internasional a Hidrograpikodagiti patingga ti Baybay ti Marmara a kas dagiti sumaganad:^[4]

Iti laud. Ti patingga ti Dardanelo iti Baybay Egeo [Ti linia a mangisilpo iti Kum Kale (26°11'E) ken Rawis Helles].

Iti amianan a daya. Ti linia a mangisilpo iti Rawis Rumili iti Rawis Anatoli (41°13'N).

Dagiti ili ken dagiti siudad

Dagiti ili ken dagiti siudad iti aplaya ti Baybay ti Marmara ket mairaman ti:

Probinsia ti Istanbul

Istanbul

Adalar

Bakırköy

Bostancı

Kadıköy

Kartal

Kumkapı

Pendik

Üsküdar

Yeşilköy

Zeytinburnu

Büyükçekmece

Kumburgaz

Silivri

Tuzla

Probinsia ti Balıkesir

Probinsia ti Bursa

Gemlik

Karacabey

Mudanya

Probinsia ti Çanakkale

Biga

Gelibolu

Lapseki

Probinsia ti Kocaeli

İzmit (Pr. Cap)

Probinsia ti Tekirdağ

Marmara Ereğli

Şarköy

Tekirdağ (Pr. Cap)

Probinsia ti Yalova

Yalova (Pr. Cap)

Dagiti ladawan

Naala iti tangatang a pannakatan-aw ti Bosporo, ti akin-abagatan a patingga ken ti Istanbul iti likudan
Pannakakita ti Baybay ti Marmara manipud iti Istanbul (Kumkapı)
Ti Baybay ti Marmara nga umas-asideg iti Yassıada
Pannakakita ti Baybay ti Marmara manipud iti Yeşilköy
Pannakakita ti Baybay ti Marmara manipud iti Kadıköy

Dagiti nagibasaran

^ Baybay ti Marmara
^ Henry Marmaron; George Liddell; Robert Scott. "A Greek-English Lexicon". Perseus. Naala idi Enero 12, 2009.
^ Carlos Parada. "Greek Mythology Link". Naala idi Abril 30, 2001.
^ "Limits of Oceans and Seas, 3rd edition" (PDF). International Hydrographic Organization. 1953. Naiyarkibo manipud iti kasisigud (PDF) idi 2011-10-08. Naala idi Pebrero 7, 2010.

Dagiti akinruar a silpo

Dagiti midia a mainaig iti Baybay ti Marmara iti Wikimedia Commons

[1] Baybay ti Marmara

[2] Henry Marmaron; George Liddell; Robert Scott. "A Greek-English Lexicon". Perseus. Naala idi Enero 12, 2009.

[3] Carlos Parada. "Greek Mythology Link". Naala idi Abril 30, 2001.

[4] "Limits of Oceans and Seas, 3rd edition" (PDF). International Hydrographic Organization. 1953. Naiyarkibo manipud iti kasisigud (PDF) idi 2011-10-08. Naala idi Pebrero 7, 2010.

[1]

[2]

[3]

[4]