Kadawyan a Panawen
Ti Kadawyan a Panawen (K.P.) ken Kasakbayan ti Kadawyan a Panawen (K.K.P.) ket dagiti panangilasin ti tawen para iti kalendario a Gregoriano (ken immunana, kalendario a Huliano), ti kaaduan a maus-usar a kalendario a panawen iti lubong. Ti "Kadawyan a Panawen" ken "Kasakbayan ti Kadawyan a Panawen" ket alternatibo iti orihinal a panangilasin nga Anno Domini (A.D.) ken Kasakbayan ni Kristo (K.K.) para iti isu met laeng a kalendario a panawen. Numeriko a katupag ti dua a sistema ti panangilasin: tumukoy ti "2024 K.P." ken "A.D. 2024" ti agdama a tawen, ket kasta met, ti "400 K.K.P." ken "400 K.K." ket isu met laeng a tawen.
Agpetsa ti balikas iti 1615, idi iti umuna a gundaway agparang iti maysa a libro ni Johannes Kepler kas Latin nga annus aerae nostrae vulgaris (tawen ti kadawyan a panawentayo), ken iti Ingles, iti 1635 kas Vulgar Era (Bulgar a Panawen).[a]
Dagiti nota
urnosen- ^ Manipud iti Latin a sasao a vulgus, "ordinario (a tattao)", tapno mailasin dayta ken sistema ti panangpetsa babaen ti tawen a panagturay, nga inusar ti gobierno iti dayta a tiempo.