Spiro Agnew
Ni Spiro Theodore Agnew ( /ˈspɪroʊ ˈæɡnjuː/; Nobiembre 9, 1918 – Septiembre 17, 1996) ket isu idi ti maika-39 a Bise Presidente iti Estados Unidos (1969–1973), a nagserbi babaen ni Presidente Richard Nixon, ken ti maika-55 a Gobernador ti Maryland (1967–1969). Isu idi ti immuna a Griego Amerikano a nagtengngel kadagitoy nga opisina.
| Spiro Agnew | |
|---|---|
 | |
| Maika-39 a Bise Presidente iti Estados Unidos | |
| Nagakem Enero 20, 1969 – Oktubre 10, 1973 | |
| Presidente | Richard Nixon |
| Inunaan ni | Hubert Humphrey |
| Sinaruno ni | Gerald Ford |
| Maika-55 a Gobernador ti Maryland | |
| Nagakem Enero 25, 1967 – Enero 7, 1969 | |
| Inunaan ni | J. Millard Tawes |
| Sinaruno ni | Marvin Mandel |
| Ehekutibo ti Kondado ti Baltimore | |
| Nagakem 1962–1966 | |
| Inunaan ni | Christian H. Kahl |
| Sinaruno ni | Dale Anderson |
| Dagiti bukod a salaysay | |
| Naiyanak | Spiro Theodore Agnew Nobiembre 9, 1918 Baltimore, Maryland |
| Natay | Septiembre 17, 1996 (tawen 77) Berlin, Maryland |
| Nakaipunpunan | Dulaney Valley Memorial Gardens Timonium, Maryland |
| Partido ti politika | Republikano |
| A(s)sawa | Judy Agnew |
| Annak | Pamela Agnew James Rand Agnew Susan Agnew Kimberly Agnew |
| Pagtaengan | Baltimore, Maryland |
| Alma mater | Unibersidad ti Johns Hopkins Pagadalan ti Linteg ti Unibersidad ti Baltimore |
| Dagiti gunguna | Medalia a Sauer a Bituen |
| Pirma |  |
| Serbisio iti militar | |
| Serbisio/sanga | Buyot ti Estados Unidos |
| Bakbakal/gubgubat | Maikadua a Sangalubongan a Gubat |
Idi panawen ti maikalima a tawenna a kas Bise Presidente, idi naladaw a kalgaw iti 1973, ni Agnew ket naamiris baben ti opisina ti Abogado ti Estados Unidos idiay Baltimore, Maryland, iti pabasol nga ekstorsion, panagsuitik ti buis, suksok ken pannakikumplot. Idi Oktubre, isu ket pormala napabasol nga isu ket immawat kadagiti suksok a dumagup ti nasurok a $100,000 bayat nga agtengtengngel ti opisina a kas ti Ehekutibo ti Kondado ti Baltimore, Gobernador iti Maryland, ken Bise Presidente iti Estados Unidos. Idi Oktubre 10, 1973, ni Agnew ket napammalubosan a dimmawat nga saan a sumuppiat ti tungngal maysa a panagpabasol nga isu ket napaay a nangireporta ti $29,500 iti naalana a natgedan idi 1967, iti maysa a kondision nga isu ket agikkat ti opisina iti Bise Presidente. Isuna ket sinukatan ni Nixon babaen ti panagidutokna ti Daulo ti Minoridad ti Kamara a ni Gerald R. Ford ti opisina ti Bise Presidente.
Ni Agnwe ket ti is-isu laeng nagikkat a Bise Presidente ti pakasaritaan ti Estados Unidos gapu kadagiti krima a panagpabasol. Sangapulo kalpasan ti ipapanawna ti opisina, idi Enero 1983, ni Agnew ket binayadanna ti estado ti Maryland ti agarup a $270,000 a kas ti nagbanagan iti sibil a panagidarum manipud kadagiti suksok a panagpabasol.
Dagiti akinruar a silpo
urnosen
Dagiti midia a mainaig ken ni Spiro Agnew iti Wikimedia Commons
 | Daytoy nga artikulo a maipanggep iti biograpia ket pungol. Makatulongka iti Wikipedia babaen ti panagnayon iti daytoy. |