Tjilopa inhungu yembili inowhangwa mumhuka dzinaspayinali khodi dzoga. Tjilopa tjodusa hungu isingahakiwe ndembili imukafu, kakale tjothama maprothini ndemakhemikhali anohinga mukwiyiwha kwekafu ndekula kwembili. Mubanhu, tjilopa tjowangwa muluboko gweludli gwembili pehhugwi kwentumbo kusi kwembabvu. Hingo wetjilopa mukafu tjimumbili whulingilila bigiwha kweglayikhogini, patula masole embilii ndebanganya mahhomoni anohhakiwha ndembili.
Tjilopa inhungu yembili ibutukwa kwazo mukwiyiwha kwekafu ndodusa nyongo, vula inoyipa inobe ina kholestarolu ndema asidi enyongo, kose ikoku kobhatsha mupedza mafuta amukafu tjinokwiyiwha. Tjigubhu tjenyongo, tjiphayiphinyana tjinhogala pasi kwetjilopa, tjogala nyongo inobe ibva mutjilopa, inobva ipapo ikayendesiwa kumabula matukunhunhu kuti indopedzisa kwiyiwa kwekafu. Tjilopa tjinha tshinga tjakasima kwazo dzinoba ndehepatosathisi, inolizanisa makhemikhali manjinji anohangana ndezila ipehhugwi, inobumba kakale ikwiye mamolekhule, manjinji akhona anohakika kwazo mumihingo yakasiyana. Akutozimbgwa kuti tjilopa tjohinga mihingo mingapani mumbili, zwibalo zwatjitiwha zwosiyana koga whalo dzekwele dzobalila mu 500.
Akunhi kwazimbgwa kuti kunhi kungamila mihingo yetjilopa mumbili kwelubaka gulefu limwe hhuba kukatikala kuti atjitapo mumbili koga iyapo mitjina ingahinga kwelubakanyana. Zwilopa zwatiwha ndebanhu azwinhu zwikatiwha kuti zwibhatshe muhinga sezwilopa mumbili kukatikala kuti mbili awhuna tjilopa. Milika mugole la2018, longa tjimwe tjilopa kukatikala kuti tjatjilipo atjitjahinga ndiyo yoga zila yolulamisa hinga kwetjilopa.
[[Category:Wp/kck]