Des Moines, Iowa

Des Moines, Iowa
Kelk imaji pri Des Moines.
Lando:	Usa
Informo:
Latitudo:	41°35'27" N
Longitudo:	93°37'15" W
Altitudo:	291 m
Surfaco:	213,93 km²
Habitanti:	217 521 (2017)
Denseso di habitantaro:	1000 hab./km²
Horala zono:	UTC-6 (UTC-5 dum la somero)
Urbestro:	Frank Cownie
Mapo:
Oficala retosituo:
www.dmgov.org

Des Moines (/dɪˈmɔɪn/), esas la chef-urbo di Iowa. Ol divenis urbo en 1851. Lua unesma nomo esis Fort Des Moines. Segun statistiki por la yaro 2017, ol havis 217 521 habitanti.

Strado Locust Street.

Lua metropolala regiono havas kin komtii: Polk, Dallas, Warren, Madison, e Guthrie. Segun statistiki dil yaro 2017 ol havis 682 877 habitanti.

Historio

Inundado en Des Moines, 1851.

Segun arkeologiala restaji trovita ube la rivero Racoon renkontras la rivero Des Moines, la regiono habitesas de adminime 7.000 yari ante nun. Diversa sepulturi de ta epoko trovesis sud-este de la urbo.

Des Moines fondesis en 1843 dal kapitano James Allen, membro dil Mormona bataliono, qua konstruktis fuorto en la regiono, por kontrolar l'indijeni Sauk e Meskwani. Ilu volis uzar la nomo Fort Raccoon, ma instruktesis por uzar la nomo Fort Des Moines por la fortifikuro. En mayo 1851 la kolonieto destruktesis pro inundado. Ye la 22ma di septembro 1851 Des Moines divenis urbo.

Geografio

Segun l'Usana Kontado Ministerio, l'urbo havas entote 213,93 km², equivalanta a 90,65 mi², di qui 233,3 km² (88,92 mi²) esas lando e 4,48 km² (1.73 mi²) esas aquo.

Demografio

Segun la demografiala kontado di 2000 198,682 personi rezidis en la urbo, ed existis 80,504 hemanari e 48,704 familii en ol. La denseso di habitantaro esis 1,012.0/km² (2,621.3/mi²). Esis 85,067 domi kun mezvalora denseso di 433.3/km² (1,122.3/mi²). Segun raso, esis 82.29% Blanki, 8.07% Negri o Afrikan-Usani, 0.35% indijeni Amerikana, 3.50% Aziani, 0.05% Pacifik-insulani, 3.52% de altra rasi, e 2.23% de du o plura rasi, 6.61% de la habitantaro esis Hispan-Amerikani o Latin-Amerikani de irga raso.

Esis 80,504 hemanari, di qui 29.5% havis pueri evante min kam 18 yari en la domo, 43.7% esis mariajita e habitis kune, en 12.6% muliero sen spozulo esis la domo-chefo, e 39.5% esis ne-familii. En 31.9% de omna hemanari vivis unika sola individuo, e 10.2% havis ulo evante 65 yari o pluse qua habitis sole. La mezvalora grandeso po hemanaro esis 2.39 personi e la mezvalora grandeso po familio esis 3.04 personi.

La procento di habitanti segun evo esis: 24.8% evante min kam 18 yari, 10.6% de 18 til 24 yari, 31.8% de 25 til 44 yari, 20.4% de 45 til 64 yari, e 12.4% evante 65 yari o pluse. La mezvalora evo esis 34 yari. Po singla 100 mulieri esis 93.8 viri. Po singla 100 mulieri evante 18 yari o pluse esis 90.5 viri.

La mezvalora revenuo po hemanaro en l'urbo esis $38,408, e la mezvalora revenuo po familio esis $46,590. La mezvalora revenuo por la viri esis $31,712 kontre $25,832 por la mulieri. La revenuo per capita por l'urbo esis $19,467. Vivis sub la povreso-lineo 11.4% de la habitantaro e 7.9% de la familii. Ek omna habitantaro evante min kam 18 yari, 14.9% ed ek omna habitantaro evante 65 yari o pluse, 7.6% vivis sub la povreso-lineo.

Administrado

La nuna urbestro esas Frank Cownie.

Transportado

Existas L'Aeroportuo Internaciona di Des Moines.

Edukado

• AIB College of Business
• College of Podiatric Medicine and Surgery
• Des Moines Area Community College
• Universitato Drake
• Kolegio Grand View
• Kolegio Hamilton
• Kolegio Simpson
• Universitato Des Moines e kolegio pri Osteopatiala Medicino

Jurnali

• Des Moines Register'
• Cityview
• Des Moines Business Record
• Juice

Famoza personi de Des Moines

• Bill Bryson
• Stephen Collins
• Thomas M. Disch
• Cloris Leachman, aktorino
• La bando Slipknot

Extera ligili

• Des Moines Libraro
• Urbo di Des Moines
• Des Moines Simfonio