Montevideo
- Por la samnoma urbo en Minnesota, Usa, videz Montevideo, Minnesota.
| Montevideo | ||
| ||
| Kelk imaji pri Montevideo. | ||
| ||
| Blazono | ||
| Lando: |  Uruguay
| |
Informo:
| ||
| Latitudo: | 34°53'01" S | |
| Longitudo: | 56°10'55" W | |
| Altitudo: | 43 m | |
| Surfaco: | 201 km² | |
| Habitanti: | 1 319 108 (2011) | |
| Denseso di habitantaro: | 6.726 hab./km² | |
| Horala zono: | UTC-3 | |
| Urbestro: | Daniel Martínez | |
Mapo:
| ||
| ||
Oficala retosituo:
| ||
| www.montevideo.gub.uy | ||
Montevideo esas la chef-urbo di Uruguay. Segun la demografiala kontado di 2011, ol havis 1 319 108 habitanti, t.e. cirkume 1/3 ek la tota habitantaro di la lando. Lua urbala surfaco esas 201 km². Ol jacas an la suda litoro di Uruguay, an la nordala rivo dil fluvio Plata.
L'urbo fondesis en 1724 dal Hispana soldato Bruno de Zaballa, quale strategiala loko por protektar la regiono dil fluvio Plata, lor disputita inter Hispania e Portugal. En 2018 la raporto Mercer konsideris Montevideo la maxim bona urbo segun vivo-qualeso de Sud-Amerika, esanta la 77ma maxim bona de la mondo.[1]
Existas multa hipotezi pri l'origino dil nomo dil urbo. Omna kredas ke "Monte-" signifikas "monto" o "kolino", specifike la kolino Cerro de Montevideo. Un ek l'expliki esas ke Montevideo forsan signifikas "Me vidis la monto" (de Portugalana frazeto monte-vide-eu). Altra esas ke en ula mapo skribesis Monte-VI-d-E-O ("la 6ma monto vidita kande on iras de Esto til Westo").
Historio
redaktarDe 1680 til 1683 la suvereneso super la regiono esis Hispana. Dum ta epoko, Portugalani fondis Colonia del Sacramento norde de Buenos Aires, an l'opozanta rivo dil fluvio Plata. Ye la 22ma di novembro 1723, Portugalano Manuel de Freitas da Fonseca konstruktis fuorto ube nun jacas Montevideo. Ye la 22ma di januaro 1724, Bruno Mauricio de Zabala, lor la guberniestro di Buenos Aires, sendis expediciono por kaptar la fuorto, e koaktis Portugalani abandonar ol. Pose, familii de Kanarii e Galisia komencis koloniigar la regiono, nomizita San Felipe y Santiago de Montevideo, pose diminutita a Montevideo.
Poka yari pos lua fondo, Mondevideo divenis la maxim importanta urbo an la norda rivo dil fluvio Plata.
Geografio
redaktar
Montevideo jacas an la norda rivo dil fluvio Plata, la "brakio" dil Atlantiko qua separas Uruguay de Arjentinia. Buenos Aires distas 230 km weste, an la dextra rivo dil fluvio Plata. La bayo di Montevideo formacas naturala portuo, la maxim granda de Uruguay ed un ek la maxim granda de Sud-Amerika.
La reliefo dil urbo esas plana, kun mezavalora altitudo di 43 metri. Lua maxim alta punto, la kolino nomizita Cerro de Montevideo jacas 134 metri super la marala nivelo.
La klimato dil urbo esas humida subtropikala (Cfa segun la klimatala klasifikuro da Köppen). La mezavalora temperaturo en januaro (somero) esas 23°C, dum ke la mezavalora temperaturo en julio (vintro) esas 10,9°C. La minima temperaturo enrejistrita en lua historio esis -5,6°C, dum ke la maxima temperaturo enrejistrita esis 42,8°C.[2]
La mezavalora yarala pluvo-quanto esas 1101,2 mm, e la maxim pluvoza monato esas oktobro, kun mezavalore 108,5 mm.
Referi
redaktar- ↑ Mercer|Quality of Living Ranking 2018 - URL vidita ye 12ma di mayo 2018. Idiomo: Angla.
- ↑ RECORDS METEOROLOGICOS EN EL URUGUAY - URL vidita ye 12ma di mayo 2018. Idiomo: Hispana.