Rhythm and blues
Rhythm and blues, o simple R&B esas populara jenro muzikala qua originis en Afrikan-Usana komunitati dum la yari 1940a.[1] Ca frazo uzesis por distingar l'enrejistruri muzikala facita da Afrikan-Usan artisti, dum epoko en qua muzikala stilo kun forta bato, origininta de jazo, komencis populareskar.
 |
Ta artiklo esas klada. Se tu konocas la temo dil artiklo, tu povas helpar ni plugrandiganta ol. |
La signifiko di la termino rhythm and blues modifikesis multafoye dum la historio. Exemple, dum la yari 1950a, ca termino ofte uzesis por blues.[2] Pos ke ca stilo kontributis por la developo di rock, blanka artisti komencis uzar ca termino por muzikala stili qui developesis de la nomizita "elektrala blues", to esas, gospel e soul. Dum la yari 1960a, multa Britaniana bandi, exemple The Rolling Stones, The Who e The Animals, aludesis kom "R&B-bandi". Dum la yari 1970a, la termino uzesis por enrejistruri muzikala di soul e funk. Fine, de la yari 1990a til nun, ca termino uzesas por jenro di pop-muziko kun influi de funk, hip-hop e/o soul.