Alan Turing
| Alan Turing | ||
| ||
| Profesiono: | matematikisto, logikisto, e kriptografisto. | |
| Lando: |  Unionita Rejio
| |
| Naskodato: | 23 di junio 1912 | |
| Nasko-loko: | London, Anglia | |
| Mortodato: | 7 di junio 1954 | |
| Morto-loko: | Wilmslow, Cheshire, Anglia | |
| Retoloko: | http://www.turingarchive.org/ | |
Alan Mathison Turing (1912 til 1954) esis Britaniana matematikisto, logikisto, e kriptografisto.
Turing ofte judikesas kom fondinto di informatiko. Tra la nomizita "probado Turing", ilu facis signifikiva e provokanta kontributajo ad la debato pri artifical inteligenteso: "kad ulatempe esus posibla dicar ke mashini divenos koncianta e povos pensar?" Ilu furnisis influiva formalizo di algoritmo-konceptajo e traktado kun probado Turing, formulanta la nuna larje aceptita "Turing"-versiono di tale nomizita "tezo Church-Turing".
Dum la duesma mondomilito, Turing laboris en Bletchley Park, Britaniana kriptoanalizo-centro, e dum kelka tempo il esis chefo dil sektoro nomizita Hut 8. Il inventis multa tekniki por dechifrar Germana chifri, inkluzite tale nomizita metodo di bombe, elektromekanikala mashino qua povas trovar kolektaji per la mashino Enigma.