Elon Musk

Elon Musk
Okupeso:	Entraprezisto, kolokanto, injenioro ed inventisto
Lando:	Sudafrika
Naskodato:	28 di junio 1971
Nasko-loko:	Pretoria, Sudafrika
Mortodato:

Elon Reeve Musk (pron. ilon mask; Pretoria, Sudafrika, 28 di junio 1971) esas injenioro, kolokanto, entraprezisto ed inventisto naskinta en Sudafrika kun Kanadana ed Usana nacioneso. Ilu esas la fondinto e CEO di SpaceX; kunfondinto, CEO, e produkturo-arkitekto di Tesla, Inc.; e prezidanto di SolarCity. En februaro 2018, ilu havis neta valoro di $20,8 miliardi ed esas listizata da Forbes kom la 48ma maxim richa persono en la mondo.

Infanteso e yuneso

Musk naskis ye la 28ma di junio 1971, en Pretoria, Sudafrika, filio di Maye Musk, Kanadana manekinino e dietizisto, ed Errol Musk, elektromekanika injenioro. Pos ke lua genitori divorcis en 1980, Musk habitis maxim ofte kun lua patro en la suburbi di Pretoria.

Dum lua infanteso lu esis avida lektero. Evante 10 yari, ilu developis intereso en komputado kun la Commodore VIC-20. Il instruktis su komputerprogramizado evante 12 yari, e vendis la kodexo di BASIC-fondita videoludo quan lu nomis Blastar, al revuo PC and Office Technology, por proxime $500.

Musk asistis a la Waterkloof House Preparatory School, e Bryanston High School ante lu obtenis lua diplomo en Pretoria Boys High School. Lu enmenajis a Kanada en junio 1989, jus ante lu havis 18 yari.

Kariero

Zip2

En 1995, Musk e lua frato Kimbal, fondis Zip2, firmo di reta software, kun kelka pekunio quan li obtenis.

Zip2 demarshis la developado, lojeyo e mantenado di specifika retoloki por media komunika firmi. En februaro 1999, Zip2 demarshis preske 200 retoloki, inkluzite la retoloko di New York Today, qua esis lokala direktorio di The New York Times. Anke, li demarshis parti di Hearst Corporation, Times Mirror, Knight-Ridder y Pulitzer Publishing.

Pos, en 1999, Zip2 esis vendita a Compaq Computer po $300 milion dolari. Musk recevis $22 milion dolaris por lua 7 procento ek la vendado.