Granda Ravinego
Granda Ravinego (Hopi-linguo: Öngtupqa, Yavapai-linguo: Wi:kaʼi:la, Navajo-linguo: Bidááʼ Haʼaztʼiʼ Tsékooh, Southern Paiute linguo: Paxa’uipi, Hispane: Gran Cañón) esas tre larj e profunda ravino en la nordo dil Usana stato Arizona. Dum milioni de yari l'aquo di la Kolorado-rivero kreis ca ravino en la peizajo. L'extrem erodo esis posibla pro ke la regiono en qua la ravino situesas acensis konstante plu alte. La Kolorado-rivero erodas la materio di la sulo di la ravino, cirkume per 16 cm po 1000 yari. La ravinego longesas cirkume 435 kilometri e la larjeso varias inter 15 en 29 kilometri. La rokajo qua expozesas pro erodado esas, segun mezuri, cirkum 2 miliard yari anciena. La geologiala strukturo esas parto di la Grand Eskalero.
