Joseph Smith, Jr.
| Joseph Smith, Jr. | ||
| ||
| Profesiono: | reguliero e politikisto | |
| Lando: |  Usa
| |
| Naskodato: | 23 di decembro 1805 | |
| Nasko-loko: | Sharon, Vermont, Usa | |
| Mortodato: | 27 di junio 1844 | |
| Morto-loko: | Carthage, Illinois, Usa | |
| Retoloko: | https://josephsmith.net, https://www.josephsmithpapers.org/ | |
Joseph Smith, Jr. (1805 til 1844) esis la fondinto dil Eklezio di Iesu Kristo, nun nomata Eklezio di Iesu Kristo di Lasta-Dia Santi.
Biografio
redaktarViziono
redaktar| Precipua artiklo: Unesma Viziono |
La rilato dil "unesma viziono" skribesis da Joseph Smith Jr., en 1838 e publikigesis en la jurnalo Times and Seasons, en Nauvoo, Illinois, komence ye la 15ma di marto 1842.
Segun Joseph Smith, kande ilu evis 14 yari e vivis en Palmyra, Nova-York, Usa, Deo e sua Filio Iesu Kristo aparis ante ilu, e dicis:
|
Me vidis kolumno de lumo, plu brilanta kam la suno, direte super mea kapo; e ica lumo gradope decensis til restar super me. (...) Kande la lumo restis super me, me vidis en l'airo supre me du personi, di qua brilego e glorio ne permisas ula deskripto. Un di ili parolis kun me, vokanto me per mea nomo, e dicis, signalanto a il altre: Yen mea Filio amarato: Askoltez tu a Il! | 
|
Pos ta experienco, ilu probis parolar pri ca mesajo a irga persono qua fidis lu, o quan ilu antee probis konvertar, ma repulsis la konverto.
Publikajo dil Libro di Mormon
redaktarTri yari pose, ye la 21ma di septembro 1823, kande ilu evis 17 yari, Smith proklamis ke l'anjelo Moroni, aparis ante lu e dicis que ilu elektesis por restaurar l'eklezio di Iesu Kristo en la Tero e tradukar skribaji de antiqua populi (Libro di Mormon). La dokumento skribesis sur ora plaki da multa Amerikana profeti, e kompilesis da Mormon, patro di Moroni, plu kam mil yari ante l'aparo.
Segun Smith l'anjelo dicis ke, pro lua misiono, lua nomo divenus konocata en omna nacioni, sive bone, sive male.
Morto
redaktarPos la morto di Smith, la responsiveso pri guidar l'Eklezio transferesis nemediate a tale-nomizita Quorumo dil Dek e Du Apostoli, til ke Brigham Young elektesis kom la sucedinto di Joseph Smith kelka yari pose. Il aceptesis da kelka fideli, kontre ke altri preferis atendar ke Joseph Smith III esus adulta por sucedar lua patro. La sequanti di Young deklaris il kom prezidanto dil eklezio.
Tamen, ta konkurso produktis skismo, e du branchi aparis: l'Eklezio di Iesu Kristo di Lasta-Dia Santi e la Kongregaciono di Kristo.
La grupo qua aceptis Young kom guidero foriris adweste en Usa, e lojeskis en la nuna stato Utah en 1847.
Citajo
redaktar- Me deklaris a mea frati ke Libro di Mormon esas la maxim korekta ek omna libri sur la Tero, e la klozostono de nia religio.
| Prezidanti dil Eklezio di Iesu Kristo di Lasta-Dia Santi |
| J. Smith (1830–1844) • Young (1847–1877) • Taylor (1880–1887) • Woodruff (1889–1898) • Snow (1898–1901) • J. F. Smith, Sr. (1901–1918) • Grant (1918–1945) • G. A. Smith (1945–1951) • McKay (1951–1970) • J. F. Smith, Jr. (1970–1972) • Lee (1972–1973) • Kimball (1973–1985) • Benson (1985–1994) • Hunter (1994–1995) • Hinckley (1995–2008) • Monson (2008–2018) • Russell M. Nelson |