Pick-up

Pick-up (Angla vorto) es tipo di automobilo qua posedas ulasorta apertita "buxo" en sua dopa parto ube on povas pozar granda objekti. Ica areo di kargo posedas parieto qua es longa til plu o min mi-metro. La dopa parto di ta buxo posedas abatebla pordeto por permisar kargar o deskargar objekti. Kelka klasi di pick-up posedas kovrilo por kovrar la kargajo dum voyajo. En Usa la nomo di ca tipo di vehili anke nomesas "truck" tradukebla aden Ido quale "kamiono", quankam pick-up es plu exakte "kamioneto".