Pyrrhus
| Pyrrhus | ||
| ||
| Rejulo di Epirus | ||
| Guvernisteso: | 307 aEK til 302 aEK | |
| Precedanto: | Alketas 2ma di Epirus | |
| Sucedanto: | Neoptolemos 2ma di Epirus | |
| Rejulo di Epirus | ||
| Guvernisteso: | 297 aEK til 272 aEK | |
| Precedanto: | Neoptolemos 2ma di Epirus | |
| Sucedanto: | Alexandros 2ma di Epirus | |
| Personal informi | ||
| Naskodato: | 318 BC | |
| Naskoloko: | Epirus | |
| Mortodato: | 272 BC | |
| Mortoloko: | Argos, Grekia | |
Pyrrhus, rejo di Epirus, esis decendanto di Akhilleus per lua matro, e di Herkulo per lua patro, havis en lua agitema mento la projeto konquestar la mondo; konstatante la potenteso dil Romani, il konsultis l’oraklo di Apollo pri la konkluzo dil milito quan il intencis entraprezar kontre li. Ilu recevis de la Deo respondo dusenca, e qua, en la Latina, signifikis samatempe: Yes, Pyrrhus, tu povos uladie vinkar la Romani. Yes, Pyrrhus, la Romani uladie povos vinkar tu.
Pyrrhus interpretas ca oraklo segun lua deziro; e, por sokursar Tarentum, deklaras milito a Roma. Il fugigas, proxim Heraklea, konsulo Levinus, ilqua esis trublita lor l’aparo dil elefanti, tillore nekonocata en Italia. Vidante la Romani qui restis sur la bataliagro, omni vundita adavane, Pyrrhus klameskas: «Kun tala soldati, me povabus balde konquestar la tota universo.»
Lua amiki gratulas il: «quala importo povas havar a me, lu respondas, tala vinko kande me perdas l’elito di mea armeo?» Il iris kampar ye duadek milii de Roma e retrosendis sen ransono la militkaptiti a Fabricius. Kande il vidis riaparar Levinus kun nova trupi: «Me havas, lu dicis, kontre la Romani la fato di Herkulo kontre la hidro.» Vinkita da Curius e Fabricius, il fugas a Tarentum e transiras a Sicilia. Balde il rivenas ad Italia, en Locri, e probas spoliar la trezori di Proserpina; ma naufrajo riportigas li al templo di ca Deino. Lore Pyrrhus retrovenas a Grekia e dum la siejo di Argos, il ocidesas per frapo di tegulo. On adportas lua kadavro al rejo di Macedonia Antigone, qua sepultigis lu kun splendideso. Pyrrhus retropulsata da Romani lor duesma batalio retromarchabis a Tarentum: un yaro pose, on sendis kontre lu Fabricius, qua ja venabis a lua korto kom ambasadisto, e di qua il probabis neutile subornar la vertuo per promisar a lu la quarimo de lua rejio. Pro ke la kampeyo dil Romani ed olta di la rejo esis vicina l’una de l’altra; la mediko di Pyrrhus venis, dum nokto, vizitar Fabricius, e promisis a lu venenagar ca princo, se la dicita konsulo grantus a lu ula rekompenso: Fabricius retroduktigis lu katenizita a lua mastro, quan il informis pri la propozi dicita da lua mediko por mortigar ilu. Lore la rejo plena de admiro por Fabricius, klameskis, onu dicas: «Lo esas sempre ica Fabricius quan esus plu desfacila deviacigar de la voyo dil Honoro kam la suno de lua irado!»
Extera ligilo
redaktar| Ica pagino uzas kontenajo de la revuo Kuriero Internaciona numero 02/2014, publikigita sub la Creative Commons Licence 2.0. |