Veneto

Veneto esas regiono di Italia, jacanta nord-este de la lando. Lua chef-urbo esas Venezia. Ol esas la 4ma maxim populoza regiono di la lando, dop Lombardia, Lazio e Kampania.

Veneto Vèneto Regiono di Italia Palaco Balbi, en Venezia. Chefurbo Venezia Surfaco 18 399 km² Habitanti Denseso di habitantaro 4 846 163 (2023) 264,16 hab./km² Guberniestro Luca Zaia (LSP) Horala zono UTC+1 (UTC+2 dum la somero) TNP (yaro) € 166.4 miliardi (2015) Reto www.regione.veneto.it

Bazala fakti pri Veneto.

Historio

Inter la 2ma e l'1ma yarmilo aK, la regiono habitesis dal Euganei, populo ancestro dil Italiki, qui habitabis la peninsulo Italiana dum l'expanso di Roma. Dum la 7ma e 6ma yarcenti aK, Etruriani e Greki arivis an la regiono e mixis kun lokala habitanti. En 181 aK, Romani fondis kolonio en Aquileia, por protektar la regiono de invadi dal populi Carni ed Istri. En 49 aK, Iulius Caesar donas Romana civitaneso a lua habitanti.

Santa Markus Evangeliisto portis kristanismo a la regiono. En 168 o 169 komencis l'unesma invadi da barbari, qui spoliis urbeto Oderzo. Dum la 5ma yarcento, Huni, Heruli e fine Ostrogoti komandita da Teodorik la granda invadis la regiono, e la lasta kreis rejio en la regiono en 493. La dominaco di Ostrogoti finis dum la 6ma yarcento, kande Bizancani invadis la regiono en 568, e pose Longobardi invadis la porciono doplanda di la regiono.

Dum la fino dil 8ma yarcento, Longobardi vinkesis da Franki, komandita da Karolus la Magna.

Geografio

La precipua fluvii di la regiono esas Po, longa de 682 km, Adige, longa de 410 km, Bacchiglione, Livenza, Piave e Tagliamento.