Venlo

Venlo
Centro di Venlo.
Standardo	Blazono
Lando:	Nederlando
Informo:
Latitudo:	51°22'N
Longitudo:	06°10'E
Altitudo:	21 m
Surfaco:	128,99 km²
Habitanti:	101 603 (2019)
Denseso di habitantaro:	818 hab./km²
Horala zono:	UTC+1 (UTC +2 dum la somero)
Urbestro:	Antoin Scholten (VVD)
Mapo:
Oficala retosituo:
http://venlo.nl/

Venlo esas urbo e municipo en sudestala Nederlando, proxim la Germana frontiero, en la provinco Limburg.

Ol esas la maxim granda municipo en Norda Limburg e, segun habitantaro la duesma maxim granda dil provinco Limburg, dop Maastricht.

La municipo (anke nomizita Granda Venlo) kontenas tri granda distrikti: ultre la urbo Venlo anke la distrikto Blerick kun la vilaji Boekend e Hout-Blerick, e la distrikto Tegelen kun Steyl.

Pluse apartenas la municipo quar altra vilaji: Belfeld e, depos 1ma januaro 2010, la olima municipo Arcen en Velden qua konsistas ek la vilaji Arcen, Lomm e Velden.

Segun statistiki dil yaro 2019, ol havis 101 603 habitanti. Lua tota surfaco esas 128,99 km². En la listo de maxim granda municipi en Nederlando, Venlo okupas la 31ma rango.

Historio

Romana e Kelta moneto-peci trovesis en Venlo; on spekulas ke ol esis la habiteyo Sablones an la Romana strado qua konektis Maastricht kun Xanten, Germania, ma lo savata pri la loko di Sablones refutas to.Blerick, an la westa rivo, konocesis kom Blariacum.

Dokumenti de la 9ma yarcento mencionas Venlo kom komerco-posteno; ol developesis aden un ek le maxim importanta en la regiono Meuse-Rheno, recevis urbo-yuri en 1343, e divenis membro di la Hansa-Ligo en 1375.

Pro sua strategiala importo, la urbo Venlo asiejesis plurafoye.La maxim signifikanta siejo esis en 1702, da Menno van Coehoorn.Konseque, Venlo agregesis aden la Generaliteitslanden dil Unionita Provinci per la Pakto di 1713. Pos la Napoleonala militi ol divenis parto di la Unionita Rejio di Nederlando.

Geografio

Urbodomo di Venlo

En 1940 la loki Blerick, Boekend e Hout-Blerick, plus la vicineyo 't Ven e la urbo Venlo kombinesis aden granda municipo Venlo.Ye 1ma januaro 2001 la municipo kombinesis kun la municipi Tegelen e Belfeld.

Pluse la klostro-vilajo Steyl, qua olim apartenis la municipo Tegelen, esas anke parto dil municipo.Konseque ye 1ma januari 2010 la olima municipo Arcen en Velden segun propra volo adjuntesis al municipo Venlo. La municipo Venlo kontenas nun oficale la sequanta distrikti:

1. Venlo: Venlo en 't Ven (39.993 habitanti)
2. Blerick: Blerick, Hout-Blerick e Boekend (27.380 habitanti)
3. Tegelen: Tegelen e Steyl (18.961 habitanti)
4. Belfeld: Belfeld (5.502 habitanti)
5. Arcen en Velden: Arcen, Lomm, Velden (8.534 habitanti)

Kulturo

Placo Oude Markt

• Teatro "De Maaspoort"
• Historial e kultural muzeo "Limburgs Museum" ed arto-muzeo "Museum van Bommel van Dam"
• Pop-eventeyo Grenswerk (olim Perron 55)
• Granda yarala kultural eventi
• Karnavalo "Vastelaovend" en februaro/marto (6 semani ante Pasko).
• Somero-festo "Zomerparkfeest" en agosto, en e cirkum la precipua parko di Venlo, 4-dia estrado por diversa audantaro, inkluzanta "live"-muziko, filmi, danso, arto ec.

Transporto

Venlo konektesas kun Germania per du autovoyi (Bundesautobahn 40 e Bundesautobahn 61), qui konektas a Düsseldorf, Köln e la Ruhr-areo dum un horo.

La fervoyo-staciono di Venlo esas junto-staciono.Ol provizas reguloza konekti al urbi Eindhoven, Roermond e Nijmegen.Pluse, ol provizas reguloza internaciona konekti a Germania per Kaldenkirchen, Viersen e Mönchengladbach a Düsseldorf e Hamm.