1645

Ár

1642 1643 1644 – 1645 – 1646 1647 1648

Áratugir

1631-1640 – 1641-1650 – 1651-1660

Aldir

16. öldin – 17. öldin – 18. öldin

Árið 1645 (MDCXLV í rómverskum tölum) var 45. ár 17. aldar sem hófst á sunnudegi samkvæmt gregoríska tímatalinu, en miðvikudegi samkvæmt júlíska tímatalinu sem er tíu dögum á eftir.

Atburðir

„Skyttur konungs“ í sviðsetningu á orrustunni við Naseby árið 2005.

• 14. janúar - Enska borgarastyrjöldin: Thomas Fairfax var gerður að yfirhershöfðingja þinghersins.
• 3. febrúar - James Graham og her konungssinna vann sigur á skoskum sáttmálamönnum í orrustunni við Inverlochy.
• 15. febrúar - Enska borgarastyrjöldin: Enska þingið stofnaði atvinnuher, New Model Army, með 22.000 mönnum.
• 10. júní - Oliver Cromwell var gerður að riddaraliðsforingja.
• 14. júní - Enska borgarastyrjöldin: Orrustan við Naseby þar sem New Model Army eyddi meginher Karls 1..
• 10. júlí - Enska borgarastyrjöldin: Orrustan við Langport þar sem þingherinn gerði út af við síðustu leifar landhers konungssinna og náðu þar með völdum í vesturhluta Englands.
• 23. júlí - Alexis 1. varð Rússakeisari.
• 13. ágúst - Torstensonófriðnum lauk með friðarsamningum í Brømsebro.
• 13. september - Skoskir sáttmálamenn unnu sigur á her James Graham af Montrose í orrustunni við Philiphaugh.

Ódagsettir atburðir

• Hersveitir frá Segou við Nígerfljót réðust á Malíveldið sem leiddi til þess að það leystist upp.
• Með konungsbréfi var lagt fyrir presta í Danmörku að halda kirkjubækur.
• Maunder-lágmarkið þar sem sólblettir urðu stöðugt sjaldgæfari hófst og stóð til 1715.
• Veggfóður fór að taka við af veggteppum í Evrópu.

Fædd

• 16. ágúst - Jean de La Bruyère, franskur rithöfundur (d. 1696).

Ódagsett

• William Kidd, skoskur sjóræningi (d. 1701).
• Klemus Bjarnason, síðasti Íslendingurinn sem var dæmdur til dauða fyrir galdra (d. 1692).

Dáin

• 10. janúar - William Laud, erkibiskup í Kantaraborg, líflátinn fyrir landráð (f. 1573).
• 13. júní - Miyamoto Musashi, japanskur skylmingamaður (f. um 1584).
• 13. júlí - Mikael Rómanov, Rússakeisari (f. 1596).
• 28. ágúst - Hugo Grotius, hollenskur lögspekingur (f. 1583).
• 8. september - Francisco de Quevedo, spænskur rithöfundur (f. 1580).

Opinberar aftökur

• Hellu-Bjarni og Bóndinn í Skarðstúni hengdir í Vestur-Barðastrandarsýslu, fyrir þjófnað.
• Ingveldi Kolbeinsdóttur (einnig nefnd Ingunn og Inga), úr Árnessýslu, drekkt fyrir dulsmáls. Hún var 40 ára.
• Ónafngreind kona frá Höfnum suður, Gullbringusýslu, tekin af lífi á Bessastöðum. Stjúpfaðir hennar, sekur í sama máli, flúði.