460

Árið 460 (CDLX í rómverskum tölum)

Árþúsund:	1. árþúsundið
Aldir:	4. öldin 5. öldin 6. öldin
Áratugir:	431–440 441–450 451–460 461–470 471–480
Ár:	457 458 459 460 461 462 463

Atburðir

• Majoríanus, keisari Vestrómverska ríkisins gerir innrás í Hispaníu gegn Svefum sem þá stjórna stórum svæðum skattlandsins. Með aðstoð Vestgota, sem þá eru bandamenn (foederati) Vestrómverska ríkisins, tekst Majoríanusi að leggja undir sig stærstan hluta Íberíuskagans.
• Genserik, konungur Vandala, reynir að semja um frið við Majoríanus þar sem hann óttast innrás í ríki sitt í norður-Afríku. Majoríanus neitar og í kjölfarið leggja Vandalar Máritaníu í rúst, sem þeir þó stjórna sjálfir, þar sem Genserik óttast að vestrómverskur floti muni lenda á svæðinu.
• Majoríanus, keisari Vestrómverska ríkisins safnar saman stórum flota við Cartagena með það fyrir augum að gera innrás í ríki Vandala. Af innrásinni verður þó ekki þar sem flotinn er lagður í rúst af svikurum sem Vandalar höfðu mútað. Majoríanus hættir í kjölfarið við innrásina og semur við Vandala um frið.
• Leó 1. keisari Austrómverska ríkisins stofnar nýja lífvarðasveit keisarans, Exubitores.
• Heptalítar (Hvítu Húnar) leggja undir sig síðustu leifar Kúsjanaveldisins.

Fædd

• Rómúlus Ágústus, síðasti keisari Vestrómverska keisaradæmisins (áætluð dagsetning).
• Hilderik, konungur Vandala og Alana (áætluð dagsetning).

Dáin

• 20. október - Aelía Evdokía austrómversk keisaraynja, ekkja Þeodósíusar 2. keisara.