Survivor (sjónvarpsþáttur)

Survivor eru bandarískir raunveruleikaþættir. Þeir eru byggðir á sænsku þáttarröðinni Expedition Robinson frá árinu 1997. Þættirnir voru frumsýndir þann 31. maí árið 2000 á CBS sjónvarpsstöðinni og árið 2024 var hún á sinni 46. seríu. Kynnir er Jeff Probst.

Survivor þættirnir hafa einnig verið gerðir í mörgum öðrum löndum, svo sem Ástralíu, Belgíu, Frakklandi og víðar.

Keppnin

Þátturinn sameinar hóp af ókunnugu fólki sem skipt er í einn eða fleiri hópa (yfirleitt kallaðir ættbálkar) á yfirgefnum stað þar sem þau verða að útvega mat, vatn, eld og skjól á meðan þeir keppa í áskorunum til að vinna annað hvort laun eða friðhelgi frá brottvísun úr leiknum á svokölluðu ættbálkaráði. Síðustu tvö eða þrjú sem halda sætum sínum eftir alla 39 dagana þurfa að ganga í augun á dómnefndinni, sem er hópur af síðustu átta eða níu keppendum sem voru kosnir út úr leiknum. Hver og einn einstaklingur í þeirri dómnefnd kýs hver þeim finnst eiga skilið að vinna titilinn "Sole Survivor" og milljón dollara verðlaun.

Velgengni

Þættirnir urðu strax mjög vinsælir. Fyrstu ellefu þáttaraðirnar voru meðal tíu mest áhorfðu þættir í Bandaríkjunum. Þeir eru almennt taldir með bestu Bandarísku raunveruleikaþáttunum. Þættirnir hafa oft verið tilnefndir til Emmy verðlauna þar á meðal unnu þeir fyrir "Outstanding sound mixing" árið 2001 "Outstanding special program" árið 2002, og var síðan tilnefndur fjórum sinnum fyrir "Outstanding reality-competition Program" þegar flokkur var kynntur árið 2003. Jeff Probst hefur unnið verðlaun fyrir "Outstanding Host for a Reality or Reality-Competition Program" fjórum sinnum síðan verðlaunin voru kynnt árið 2008. Árið 2007 voru þáttaraðirnar á lista Time tímaritsins á 100 Bestu sjónvarpsþáttum allra tíma.

Þáttaraðir

• Survivor: Pulau Tiga (2000) - einnig kallaður Survivor: Borneo - tekin á eyjunni Pulau Tiga í Suður-Kínahafi.
• Survivor: The Australian Outback (2001) - tekin í óbyggðum Ástralíu.
• Survivor: Africa (2001) - tekin í eyðimörk í Kenýa.
• Survivor: Marquesas (2002) - tekin á eyjunni Nuku Hiva í Markesaseyjaklasanum í Frönsku Pólýnesíu.
• Survivor: Thailand (2002) - tekin á Taílandi.
• Survivor: The Amazon (2003) - tekin í regnskógi við Amasónfljót í Brasilíu.
• Survivor: Pearl Islands (2003) - tekin á Perlueyjum undan strönd Panama.
• Survivor: All-Stars (2004) - líka tekin á Perlueyjum.
• Survivor: Vanuatu (2004) - tekin í eyjaklasanum Vanúatú í Suður-Kyrrahafi.
• Survivor: Palau (2005) - tekin í eyjaklasanum Palá í Kyrrahafi.
• Survivor: Guatemala (2005) - tekin í Yaxha-þjóðgarðinum í Gvatemala. Þáttaröðin var frumsýnd 15. september 2005.
• Survivor: Panama (2006) einnig kallaður Survivor: Exile island - tekin í Panama í Mið-Ameríku.