Chrang intarakshan

Ina paatikl fizix, di chrang intarakshan a di mikianizim rispans fi di chrang nyuuklier fuos (aalso kaal di chrang fuos, nyuuklier chrang fuos), wan a di fuo fondamental intarakshan a niecha we nuo bout, di adawandem a ilekchomagnetizim, di wiik intarakshan ah gravitieshan. A di rienj a wah femtomiita, a di chranggis fuos, sens iapraximetli 137 taim chrangga dah ilekchomagnetizim, a milian taim chrangga dah wiik intarakshan ah 1038 taim chrangga dah gravitieshan. Di chrang nyuuklier fuos inshuor di stabiliti a haadineri mata, kanfainop kwaak ina hajran paatikl, laka di pruotan ah nyuuchran, ah di forda bainop a nyuuchran ah pruotan ina hatamik nyuuklios. Muos a di mas-enaji a kaman pruotan ar nyuuchran de ina di faam a di chrang fuos fiil enaji; di indivijal kwaak provaid onggl bout 1% a di mas-enaji a wah pruotan.