Alblasserdam

Gemeente Alblasserdam

Gendéra Alblasserdam Lambang Alblasserdam
Alblasserdam ing Walanda
Katrangan cekak
Provinsi:	Zuid-Holland
Jembar:	9,96 km²
Padunung:	18.771 jiwa (1 November 2007)
Situs wèb resmi:	http://www.alblasserdam.nl
Pulitik
Walikutha:	L.Huizer

Alblasserdam iku gemeente ing provinsi Holland Kidul, Walanda. Kutha utawa gemeente iki sing ndunungi kira-kira 19.000 jiwa lan ambané 9,96 km².

Sajarah

Alblasserdam papané ana ing salah sijining kali ing Éropah sing kebak dilayar prau lan baita. Sajarah Alblasserdam iku suwé banget lan wiwité ing abad kaping 13. Jeneng gemeente iki kapisan ditulis ing sawijining kronik Melis Stoke saka taun 1299, nanging sajatiné resmi gemeente iki lagi diyasa ing taun 1447. Sadurungé iku pérangan saka Oud-Alblas. Tengah kutha Alblasserdam ing 11 Mèi 1940 rusak banget déning Perang Donya II. Begjané dalan Kerkstraat sing historis lan tanggul sing kas cedhak kali De Noord isih lestari.

Ing sajarah Alblasserdam, banyu iku mainaké peran gedhé. Amarga cedhak kali, Alblasserdam dadi akèh industriné. Ing sisih liya, antara taun 1350 lan 1821, Alblasserdam lan saubengé, kebanjiran ping 32. Nalika musibah banjir taun 1953, Alblasserdam uga kena. Ing awal abad kaping 21, banyu wis ora dadi ancaman langsung manèh amarga wis digaé tanggul sing luwih kuwat lan apik.