Arnhem

Arnhem

Gendéra Arnhem Lambang Arnhem
Arnhem ing Walanda
Katrangan cekak
Provinsi:	Gelderland
Jembar:	98,25 km²
Padunung:	145.417 (31 Dhésèmber 2008)
Situs wèb resmi:	http://www.arnhem.nl
Pulitik
Burgemeester (Walikutha):	Pauline Krikke

Arnhem (Jerman Arnheim) iku gemeente ing provinsi Gelderland, Walanda. Kutha iki kutha krajan provinsi Gelderland lan kutha kang gedhé dhéwé nomer loro sawisé Nijmegen. Kutha Arnhem iku papané ana saloré lan sakidulé kali Rijn. Arnhem kang ndunungi resmi 145.417 jiwa (per 31 Des. 2008).

Étimologi

Arnhem iku asalé saka jeneng Arneym lan jeneng iki asalé saka tembung heem (omah) lan Arn utawa Aro. Tembung pungkasan iki sangkané saka basa Germanik arnu (manuk rajawali). Dadi tegesé "omah para manuk rajawali".

Latar wuri

Provinsi Gelderland kang papané ana ing wétané Walanda iku saka 12 provinsi Walanda lan salah siji kang gedhé ambané wewengkoné. Provinsi iki ing taun 2008 dipérang dadi 56 gemeente. Ing Walanda gemeente iku pérangan administratif sangisoring provinsi. Dadi provinsi iku antara Nagara lan gemeente.

Jaman mbiyèn kabèh panggonan iku uga gemeente ing Walanda. Saka désa cilik nganti kutha krajan. Nanging saiki wis ora mangkono manèh. Akèh panggonan kang digabung dadi siji supaya olèh gemeente kang ukurané sedheng.

Liya-liya

Trolleybus ing Arnhem

Arnhem iku siji-sijiné kutha ing Walanda kang ngoperasèkaké dines trolleybus. Trolleybus iku campuran antara trèm lan bus. Dadi bus kang lumaku mawa daya listrik.

Uga delengen

• Bronbeek

Pranala njaba

• (ing basa Walanda) Situs wèb resmi