Bipolar
Bipolar ya iku lelara kang rasakake saben manungsa kang wis naté nglakoni pasang surut émosi.[1] Ana kalane ana ing pucuking émosi, nanging kadang rumangsa depresi banget.[1] Lelara iki kaya duwé loro kutub émosi, awit saka iku lelara iki sinebut bipolar (bipolar disorder).[1] Penyakit bipolar bisa ngganggu pagawéyan, sekolah, gayutan sosial, lan ngganggu pagawéyan sadina-dina.[1]
Sanajan bipolar bisa ditambani, akèh wong kang ora ngerti pratandhane lan ora ngerteni pitulungan kang dibutuhake.[2] Bipolar bisa sansaya parah yèn ora gage ditambani. Awit saka iku, ngerteni mula bukane masalah iku minangka cara kanggo nambani bipolar.[2]
Penyakit bipolar (uga sinebut manik depresi) iku njalari malihe kaanan ati, ènergi, pikiran, lan solah bawa kang ora wajar (ana wayahe semangat banget, ing wayah liya depresi banget).[3] Penyakit bipolar bisa nganti madina-dina, kepara nganti sasen.[2].Sasuwene episode manic, wong kang lara ipolar semangat baget anggoné makarya, ora kuwatir amarga utang, utawa ngrasa séhat sanajan mung ngaso rong jam sadina.[2] Ing episode depresi, wong kang lara bipolar males banget anggoné tangi, kebek pangrasa ala, ora duwé pangarep-arep anggoné urip, lan ngrasa dibédakaké anggoné bebrayan ing masarakat.[2]
Pratanda tandha-tandha fase mania
besutIng fase mania, wong kanthi bipolar duwé ènergi kang gedhé, kreatif, lan euforia.[4] Anggoné ngomong rikat, turune mung sadhéla, lan hiperaktif. Rumangsa awake dhéwé kang paling kuwasa tanpa tandhing, utawa tinitah dadi wong kang gedhé.[4] Sanadyan pratandha iki nyenengake nanging bisa uga kang lara mecul saka tata trapsila.[2] Tuladhané, wong kanthi bipolar kerep tumindak sembrono sasuwéné episode mania, ngentèkaké dhuwit celengan, tumindak sembrono, utawa yasa investasi bisnis kang ilegal.[2] Kejaba iku uga gampang nesu, agresif-seneng gelut, mara tangan yèn ana wong kang ora sarujuk marang panemune, lan nyalahake sapa waé kang nyaruwe marang tumindake.[2] Sapérangan wong uga delusional utawa krungu swara-swara aneh saka njero atine.[2]
Pratandha Fase Depresi
besutWong kanthi bipolar, lekas nesu, rumangsa salah, ora bisa dinuga kaanan atine, ati ora tentrem.[5] Kejaba iku, wong kang depresi bipolar uga alon-alon anggoné tumandang gawé lan celathu, akèh anggoné turu, bobot awake tambah, lan depresi psikotik ya iku kaanan wong kang ora bisa mikir kanthi realistis lan adoh saka sesrawungan.[5]
Cathetan suku
besut- ↑ a b c d [1][pranala mati permanèn] (diunduh tanggal 21 Fèbruari 2011)
- ↑ a b c d e f g h i [2] Archived 2012-05-14 at the Wayback Machine. (diunduh tanggal 21 Fèbruari 2011)
- ↑ [3] (diunduh tanggal 21 Fèbruari 2011)
- ↑ a b [4] (diunduh tanggal 21 Fèbruari 2011)
- ↑ a b [5][pranala mati permanèn] (diunduh tanggal 21 Fèbruari 2011)