Jaringan Méristem
Jaringan Méristem ya iku jaringan aktif kang ngasilna sél-sél anyar kanggo pertumbuhan saéngga tuwuhan bisa dadi gedhé.[1] Thukulé tuwuhan (cilik dadi gedhé lan endhék dadi dhuwur) iku disebabna anané aktivitas pembelahan ing jaringan tuwuhan.[1] Jaringan méristem iku duwé sipat antarané kasusun saka sél-sél nom ing fase pembelahan lan pertumbuhané.[1] Ing jaringan méristem, racaké ora ditemokna anané ruwang antar sél diantarané sél-sél méristem.[1] Sél-sél méristem dhapuré bunder, lonjong, utawa poligonal kang dhindhing sélé tipis.[1] Saben sélé duwé akèh sitoplasma lan duwé siji utawa luwih inti sél. Vakuola sél ing sél-sél méristem iku cilik banget lan kadhang ora ana.[1]
- Didhasarna mara letaké, méristem iku ana:[2]
- méristem pucuk (Apikal) ya iku jaringan nom kang kadhapur déning sél-sél inisial kang ana ing pucuké piranti-piranti tuwuhan.[2] Tuwuhan bisa tambah dhuwur lan dawa amarga ana méristem iki.[2]
- Méristem lateral utawa pinggir [2]
- Didhasaraké papan kedadéyané, jaringan méristem iku ana loro, ya iku:
- Méristem Primér [2]
- Méristem Sekundér, méristem iki asalé saka jaringan diwasa lan sapituruté dadi méristematis.[2] Sél-sél méristem sékundhér dhapuré pipih utawa prisma kang ing tengah buku ana vakuolané.[2]
Cathetan suku
besut- ↑ a b c d e f (Lestari, E.S., Kistinnah I.(2009)." Biologi 2 : Makhluk Hidup dan Lingkungannya Untuk SMA/MAKelas XI (BSE)".Jakarta:Pusat Perbukuan, Depdiknas. Hal.33)
- ↑ a b c d e f g (Lestari, E.S., Kistinnah I.(2009)." Biologi 2 : Makhluk Hidup dan Lingkungannya Untuk SMA/MAKelas XI (BSE)".Jakarta:Pusat Perbukuan, Depdiknas. Hal.34)