Rèptil

Rèptil (Basa Jawa Kuna: sarisrepa) iku sajinis kéwan rumangkang sing kalebu kulawarga kéwan vertebrata (kang duwé balung mburi (geger)). Rèptil uga lumaku kanthi ngrayap utawa melata, awaké kang adhem ditutupi nganggo kulit utawa sisiksisik, duwé getih anyep lan jantungé uga kapérang dadi papat (4) pérangan kang ora sampurna. Ciri liyané bisa tinemu saka carané kéwan iki tumangkar ya iku kanthi ngendhog, kaya ta ula Ophidia, baya crocodilia, kadhal Lacertilia lan bangsa bulus chelonia. Rèptil iku tetrapoda, lan uga amniota (kéwan sing embrioné dikupengi membran amniotik). Saiki rèptil ana patang ordho:

• Ordo Crocodylia (baya lan alligator): 23 spésies
• Ordo Rhynchocephalia (tuatara saka Niu Selan): 2 spésies
• Ordo Squamata (kadhal, ula lan amphisbaenians {"worm-lizards"}): kurang luwih 7.600 spésies
• Ordo Testudinata (bulus lan penyu): kurang luwih 300 spésies

Reptil Kalamangsa: Pennsylvanian–Saiki, 312–0 Ma PraЄ Є O S D C P T J K Pg N
Tuatara, Sphenodon punctatus
Klasifikasi ngèlmiah
Karajan:	Animalia
Filum:	Chordata
Klad:	Reptiliomorpha
Klad:	Amniota
Klad:	Sauropsida
Klas:	Reptilia Laurenti, 1768
Klompok urip
Lepidosauria (lepidosaurs) Rhynchocephalia (tuatara lan kerabat) Squamata (kadhal, ulo lan Amphisbaenia) Testudines (kura-kura) Archosauria (archosaurus) Crocodilia (baya, aligator, kaiman, gharial) Aves (manuk)

Rèptil bisa ditemoni ing kabèh bawana kejaba Antartika, sanadyan panyebaran rèptil sing utama mung ing laladan tropis lan sub-tropis.

Kabèh rèptil duwé thothok kejaba sapérangan anggota ordho Testudines.