William Wordsworth
William Wordsworth ya iku penyair saka Inggris.[1][2] Dhèwèké nulis Lyrical Ballads taun 1798, karo Samuel Taylor Coleridge, kang banjur nuwuhaké gerakan Romantik Inggris.[1]
| William Wordsworth | |
|---|---|
 | |
| Lair | 7 April 1770 Cockermouth, Cumberland, Inggris |
| Pati | 23 April 1850 Rydal Mount, Westmorland |
| Pakaryan | Penyair |
Dhèwèké lair ana Cockermouth, Cumberland, Inggris, tanggal 7 April 1770.[1] Séda ana Rydal Mount, Westmorland, tanggal 23 April 1850.[1]
Ibuné séda nalika dhèwèké umur wolung taun, pengalaman iki ketok saka pakaryan pungkasané.[2] Wordsworth lumebu Hawkshead Grammar School, nèng kéné dhèwèké wiwitan seneng geguritan.[2] Bapaké séda nalika dhèwèké ing Hawkshead, ninggal dhèwèké lan seduluré papat.[2] Wong tuwané, loro-loroné, séda saurungé dhèwèké umur 15 taun.[3]
Dhèwèké sinau ana Cambridge University.[3] Nalika ana kana, dhèwèké ngisi wektu prèi mangsa panas lelungan menyang Switserlan lan Prancis.[3] Dhèwèké antusias karo gegayuhané Revolusi Prancis.[3]
Dhèwèké wiwitan nulis geguritan nalika isih sekolah, nanging ora ana sing diterbitaké nganti taun 1793.[3]
Cathetan suku
besut- ↑ a b c d Parrish, Stephen Maxfield. "William Wordsworth: English Writer". britannica.com. Dibukak ing 4 September 2016.
- ↑ a b c d Parrish, Stephen Maxfield. "William Wordsworth". Academy American Poets. Dibukak ing 4 September 2016.
- ↑ a b c d e "William Wordsworth (1770-1850)". bbc.co.uk. 2014. Dibukak ing 4 September 2016.