Ariel Sharon
Ariel Sharon 
Ariel Sharon (pitulung·info) (Basa Ibrani: אֲרִיאֵל שָׁרוֹן, uga dikenal karo jeneng Arik) (26 Fèbruari 1928, Kfar Malal-11 januari 2014, Tel Aviv) ya iku pulitikus lan jenderal Israèl.[1] Dhèwèké mengku kalungguhan dadi Nayakotama Israèl wiwit 7 Maret 2001 nganti tekan 14 April 2006.[1] Kakuwasané dadi nayakotama banjur diganti déning Nayakotama (sauntara) Ehud Olmert marga dhèwèké kena stroke nalika sasi Januari 2006.[2] Ariel ngalami koma kanthi wektu kang suwi, kang ndadèkaké ora bisa ngayaji tugas dadi pemimpin papréntahan.[2] Ariel lair ing Kfar Malal (Mandat British Palestina) lan tampil dadi pemimpin pulitik uga militèr kebangsaan Israèl.[1] Sharon uga tau njabat dadi pemimpin Likud, parté gedhé dhéwé ana ing koalisi pamaréntah parlemen Israèl, Knesset, nganti tekan mundur saka parté iku tanggal 21 November 2005.[1] Dhèwèké banjur ngadegaké parte anyar kang jenengé Kadima.[1] Sasuwéné telung puluh taun Sharon dines dadi anggota Angkatan Bersenjata Israèl.[1] Pangkaté kang paling dhuwur ya iku Mayor Jenderal.[1] Sharon dadi misuwur ana ing Israèl amarga dhèwèké mèlu sajeroning Perang Enem Dina nalika taun 1967 lan Perang Yom Kippur nalika taun 1973.[1] Ariel Sharon uga duwé tanggung jawab ana ing tragedi pembantaian Qibya nalika tanggal 13 Oktober 1953.[2] Ana ing jaman iku 96 wong Palestina mati déning Unit 101 kang dibawahi Sharon lan pembantaian Sabra lan Shatila ing Libanon nalika taun 1982 kang nyebabake antarané 3.000-3.500 jiwa mati, amarga prakara iki banjur dhèwèké dijuluki dadi 'Tukang Jagal saka Beirut'.[2] Séda ing 11 Januari 2014, Duwe ngginakaken 8 taun koma.[3] Dhèwèké panguburan nagara lan disarèkaké ing jejere bojoné kang kapindho Lily ing para ranch.[4]
| Ariel Sharon אריאל שרון | |
| |
Nayakotama Israèl kaping 11
| |
| Mangsa jabatan 7 Maret 2001 – 14 April 2006 (Ora aktip wiwit tanggal 4 Januari 2006) | |
| Présidhèn | Moshe Katsav |
|---|---|
| Deputi | Ehud Olmert |
| Didhisiki déning | Ehud Barak |
| Diganti déning | Ehud Olmert |
| Miyos | 26 februari 1928 Kfar Malal, British Mandate of Palestine |
| Tilar donya | 11 januari 2014 Tel Aviv, Israèl |
| Partai pulitik | Kadima (sadurungé Likud lan Shlomtzion) |
| Garwa | Margalith (séda 1962); Lily Sharon (séda 2000) |
| Agami | Yahudi |
Cathetan suku
besut- ↑ a b c d e f g h "Biografi Ariel Sharon - Data perjalanan karier di militer dan bidang pulitik". Diarsip saka sing asli ing 2018-08-15. Dibukak ing 2011-08-20.
- ↑ a b c d Profil Ariel Sharon di YnetNews
- ↑ Israèl's ex-PM Ariel Sharon dies, aged 85
- ↑ Ariel Sharon laid to rest near Negev ranch
| Artikel iki minangka artikel rintisan. Kowé bisa ngéwangi Wikipédia ngembangaké. |