Wikipédia

Ario Bayu

Ario Bayu Wicaksono (lair ing Jakarta, 6 Fèbruari 1985; umur 39 taun) ya iku paraga lan foto modhèl ing Indonesia.[1] Dhèwèké kondhang amarga dadi foto modhèl ing kalawarti-kalawarti priya, lan maragakaké tokoh dadi pulisi kang duwé kauripan homosèksual ing filem "Kala".[1] Ario Bayu olèh peran dadi paraga tokoh Lintang kang wis diwasa ing filem "Laskar Pelangi".[1]

Ario Bayu
Ario Bayu
LairArio Bayu Wicaksono
(1985-02-06) Fèbruari 6, 1985 (umur 39)
Jakarta, Indonesia
BangsaIndonesia
PakaryanArtis, Model
Taun aktif2004 - saiki

Priya kang tau manggon ing New Zealand iki tau sinau babagan téater, kasempatan nekani dhèwèké nalika dhèwèké kapilih dadi siji-sijiné wong Indonesia kang kapilih ing workshop the Young Shakesepeare Company lan olèh kasempatan kanggo tampil ing Globe Theater ing London.[1]

Karir

besut

Ario Bayu miwiti kariré dadi foto modhèl.[1] Nanging, amarga dhèwèké duwé potènsi ing donya akting, dhèwèké wiwit dilirik kanggo mainaké peran ing filem.[1] Filmé kang kaping pisanan dibintangi dhèwèké judhulé "Bangsal 13" kang dirilis nalika taun 2005.[1] Film horor mau jebulé bisa dadi filem kang nepungaké dhèwèké marang donya filem luwih apik, mula dhèwèké kerep metu ing filem.[1]

Nyusul kasuksèsané ing filemé kang kaping pisanan, bola-bali dhèwèké olèh bebungah.[1] Kualitasé ing donya filem mau wis wiwit diakoni déning masarakat.[1] Film-filem kang tau dibintangi dhèwèké ora mung filem ècèk-ècèk amarga kabukti bisa gawé masarakat péngin nonton.[1]

Bayu sempet uga mbitangi filem-filem kaya ta Pesan Dari Surga (2006), Kala (2007), Laskar Pelangi (2008), Drupadi (2008), Macabre (2008), lan Pintu Terlarang (2009).[1] Perané ing filem "Kala", "Laskar Pelangi" lan "Pintu Terlarang", nggawé dhèwèké olèh bebungah ing fèstival-fèstival filem internasional.[1] Ora mung iku, Bayu uga sempat dinominasikaké kanggo mèlu "Indonésian Movie Awards" dadi Aktor Pendhukung Paling Apik lan narima bebungah "Best Actor of the Year 2009" saka kalawarti Elle Indonésia.[1]

Panampilané ing téater, taun 2011 iki Bayu bisa lolos dadi salah sawijining paraga pendhukung utama ing pasugatan musikal Onrop kang bisa nggawé jenengé kondhang.[1] Kawit awal wis kalibet ing prodhuksi "Catatan Harian Si Boy".[1] Ing téater kang direncanakaké bakal dirilis taun 2011 mau, dhèwèké bakal dadi paraga Satrio, tokoh baku dikembangaké ing konsèp pimikirané.[1] Kapribadèn easy going, karakter kang nengsemaké, sarta prèstasiné diyakini bakal gawé dhèwèké dadi idhola génerasi saiki.[1]

Ora mung pinter akting, dhèwèké uga remen babagan musik.[2] Ing taun 2011, dhèwèké gawé grup musik, dhèwèké bakal nyekel gitar ing grup musik kang bakal digawé luwih nge-punk.[2] Dhèwèké bakal gelem manawa ditawani kanggo nembang.[2]

Filmografi

besut

Film-filem kang tau dibintangi Ario Bayu[1]:

  • BANGSAL 13 (2005)
  • PESAN DARI SURGA (2006)
  • KALA (2007)
  • THE TARIX JABRIX (2008)
  • IN THE NAME OF LOVE (2008)
  • LASKAR PELANGI (2008)
  • DRUPADI (2008)
  • PINTU TERLARANG (2009)
  • RUMAH DARA (2010)
  • MINGGU PAGI DI VICTORIA PARK (2010)
  • DARAH GARUDA (2010)
  • CATATAN SI BOY (2011)

Cathetan sikil

besut
  1. ↑ a b c d e f g h i j k l m n o p q r s biografi Ario Bayu diundhuh tanggal 16 September 2011
  2. ↑ a b c berita Arip Bayu diundhuh tanggal 16 September 2011


Dijupuk saka "https://jv.wikipedia.org/w/index.php?title=Ario_Bayu&oldid=1675850"
  NODES
INTERN 1