Cecak (kéwan)

Cecek utawa cecak iku kéwan reptil sing biyasa ngrayap ing témbok utawa wit. Cecek awarna klawu, nanging ana uga sing awarna coklat kapara ireng. Cecek racaké duwé ukuran watara 10 centimeter. Cecek bebarengan karo tekèk lan sabangsané kagolong sajeroning suku Gekkonidae.

Cecek mrambat ing témbok.

Ètimologi

Tembung 'cecek' manawa asal saka swarané ya iku: "cek, cek, cek". Kanthi mangkono tembung iki minangka sawijining onomatope.

Jinis-jinis Cecek

Cecek ana sawatara jinis. Sing kerep ditemoni ya iku:

• Cecek témbok (Latin Cosymbotus platyurus), yang kerap ditemoni ing témbok-témbok omah lan ing sela-sela payon. Cecek iki awaké pipih amba, buntuté amba kanthi jumbai-jumbai alus ing pinggiré.
• Cecek kayu (Hemidactylus frenatus), sing awaké luwih kuru. Buntuté bunder, kanthi enem dèrèratn tonjolan kulit kaya eri, wiwit saka pangkal nganti tekan pucuk buntuté. Cecek kayu luwih seneng manggon ing wit-witan ing plataran, utawa ing pérangan omah sing nganggo kayu kaya ing payon.
• Cecek gula (Gehyra mutilata), awaké luwih cilik, endhas bunder lan warna kulit transparan kaya daging. Cecek iki kerap ditemoni ing sacedhaké pawon, jedhing lan lemari panganan,golèk butir-butir sega utawa gula sing dadi kasenengané.

Uga delengen

• Tekèk

Pranala njaba

• (ing basa Malayu) Cinta seekor cicak, carita dari Jepang.