Wikipédia

Dhiodha

Dhiodha minangka jinis komponèn pasif.[1] Dhiodha minangka sawijining semikonduktor kang nduwé rong terminal piranti kang nuduhake karakteristik arus tegangan non linier [2]

Dhiodha minangka jinis komponèn pasif kang nduwé 2 kutub, anoda lan katoda

Dhiodha nduwé rong sikil utawa kutub, yaiku sikil anoda lan katoda.[1] Dhiodha kagawé saka bahan semikonduktor tipe P lan semi konduktor tipe N kang disambungake dadi siji.[1] Semi Konduktor tipe P gunané kanggo anoda, lan semi konduktor N gunané kanggo katoda.[1]

Miturut bahan semi konduktor kang dianggo ing prosès nggawéne, dhiodha dibédakaké dadi rong jinis, yaiku:

  1. Dhiodha Silikon, yaiku dhiodha digawé saka silikon.[1]
  2. Dhiodha germanium, yaiku dhiodha kang digawé saka bahan germanium.[1]

jinising dhiodha lan panganggone:

  1. Dhiodha Silikon. Dhiodha silikon padatan dianggo ing piranti catu daya minangka piranti penyearah arus, piranti kanggo ngamanake tegangan kejut, lan sapanunggale.[1] Tuladhané yaiku 1N4001, 1N4007, 1N5404, lan sapanunggale.[1]
  2. Dhiodha Zener. Dhiodha zener dianggo kanggo matesi utawa ngatur tegangan.[1] Tuladhané yaiku zener 6.2 volt, zener 3.2 volt, lan sapanunggale.[1]
  3. Dhiodha Bridge. Dhiodha Bridge yaiku dhiodha kang didadèkaké siji dadi rangkean uwot utawa kreteg (bridge).[1] Dhiodha iki akèh dianggo ing piranti catu daya minangka penyearah gelombang penuh.[1] Tuladhané yaiku B40C800, kiprox ing motor, lan sapangunggale.[1]

Cathetan suku

besut
  1. ↑ a b c d e f g h i j k l m Dioda Archived 2012-01-11 at the Wayback Machine. (dipunundhuh tanggal 8 Maret 2011)
  2. ↑ Diode(dipunundhuh tanggal 9 Maret 2011)


Dijupuk saka "https://jv.wikipedia.org/w/index.php?title=Dhiodha&oldid=1655716"
  NODES