Discovery (pesawat luar angkasa)

Pesawat ulang-alik Discovery (kodhe pesawat NASA: OV-103) iku sawijining pesawat ulang-alik (Space Shuttle) NASA.

Discovery ing Oktober 2000.

Sepisanan diaburaké tanggal 30 Agustus 1984, Discovery minangka pesawat ulang-alik katelu lan sing tuwa dhéwé sing isih dioperasèkaké nganti saiki. Fungsi-fungsiné ya iku kanggo misi-misi panelitèn lan pamasangan Stasiun Luar Angkasa Internasional. Jeneng Discovery asal saka jeneng HMS Discovery, sawijining kapal sing tau dianggo sang panjelajah, James Cook.

Nganti Juli 2005, Discovery wis ngayahi 31 pamaburan, ngentèkaké 241,95 dina ing akasa, ngrampungaké 3.808 orbit lan mabur adohé 158.859.429 km.

Discovery iku pesawat ulang-alik sing nglunccuaké Teleskop Hubble. Saliyané iku, ing 29 Oktober 1998, pesawat iki uga nggawa astronot John Glenn sing wektu semana yuswa 77 taun, menyang akasa, ndadèkaké manungsa tuwa dhéwé sing ngangkasa. Discovery rencanané bakal dipensiun taun 2010.

Misi-misi wigati

• STS-41-D: Pamaburan pisanan
• STS-26: Pamaburan pisanan sawisé musibah Challenger (STS-51-L)
• STS-95: Pamaburan kapindho John Glenn, manungsa tuwa dhéwé ing antariksa
• STS-114: Pamaburan pisanan sawisé musibah Columbia (STS-107)

Pranala njaba

• Pesawat-pesawat pengorbit Archived 2021-02-09 at the Wayback Machine.
• Shuttle Orbiter Discovery (OV-103) Archived 2021-02-09 at the Wayback Machine.