Elizabeth I saking Inggris
Elizabeth I (miyos ing Greenwich, Inggris 7 September 1533 – tilar donya ing Richmond, Inggris, 24 Maret 1603 nalika yuswanipun 69 taun) inggih punika ratu Inggris lan Irlandia wiwit 17 November 1558 ngantos dumugi panjenenganipun tilar donya.[1] Panjenenganipun asring pikantuk sesebatan Virgin Queen (amargi dèrèng naté palakrami), sesebatan ingkang sanès inggih punika Gloriana, Good Queen Bess, lan Faere Queene.[1]
| Elizabeth I | |
|---|---|
 | |
| Ratu Inggris lan Irlandia (salajengipun...) | |
| Panjenengan | 17 November 1558 – 24 Maret 1603 |
| Pamakuthan | 15 Januari 1559 |
| Leluhur | Mary I |
| Panerus | James I |
| Lair | 7 September 1533 Greenwich, Inggris |
| Surud | 24 Maret 1603 (umur 69) Richmond, Inggris |
| Astana | Westminster Abbey |
| Wangsa | House of Tudor |
| Bapa | Henry VIII |
| Ibu | Anne Boleyn |
| Tapak tangan |  |
Elizabeth I inggih punika panguwaos monarki kaping nem lan ingkang pungkasan saking dinasti Tudor.[1] Ingkang ibu, Anne Boleyn tilar donya amargi dipunukum pejah amargi dipunpitenah sampun khianat dhateng raja.[1]
Ing taun 1558 sadhèrèk tirinipun, Mary ingkang agamanipun Katulik Roma ngukum Elizabeth I kanthi dipunlebetaken dhateng pakunjaran amargi Elizabeth I dipunpitados ndhèrèk pambrontakan Protèstan.[1]
Ngantos dumugi sapunika, wonten ing sajarah Inggris, Ratu Elizabeth I sampun limrah dipunmangertosi dados ratu ingkang misuwur.[2] Sekawan dasa gangsal taun, panjenenganipun dados tetunggulipun Inggris.[2] Wekdal punika Inggris dados nagari ingkang makmur, gemar ripah loh jinawi, ékonomi majeng, kasusastran majeng, lan Inggris dados panguwaos samodra ingkang nomer satunggal ing jagad punika.[2] Mataun-taun Elizabeth tansah mbudidaya yasa Angkatan Laut Inggris.[2] Ing wekdal punika Raja Phillip II saking Spanyol nyobi yasa Angkatan Laut Spanyol supados saged nyaingi Angkatan Laut Inggris.[2] Taun 1588, Angkatan Laut Inggris kaliyan Angkatan Laut Spanyol perang.[2] Wonten ing perang punika, Inggris saged ngalahaken Spanyol.[2]
Sawetawis panyerat karya sastra ingkang misuwur saking Inggris, kalebet William Shakespeare, gesang ing jamanipun Ratu Elizabeth I.[2]
Cathetan suku
besutPranala njawi
besut- Buehler, Edward. (2004). "Tudor and Elizabethan Portraits". Archived 2007-02-20 at the Wayback Machine.
- Cody, Marilee. (2004). "Portraits of Queen Elizabeth I".
- Stevens, Garry. (2004). "Bloody Mary: Further Intrigue in the Tudor Court". Archived 2006-05-17 at the Wayback Machine.
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |