Ferdinand II saka Aragon

Ferdinand II saka Aragon "Sang Katulik" (Spanyol: Fernando de Aragón "el Católico", basa Katalan: Ferran d'Aragó "el Catòlic", basa Aragon: Ferrando II d'Aragón "lo Catolico", uga Fernando V saka Spanyol; lair 10 Maret 1452 – pati ing Spanyol, 23 Januari 1516 ing umur 63 taun) iku Raja Aragon (1479–1516), Kastilia, Sisilia (1468–1516), Napoli (1504–1516), Valencia, Sardinia lan Navarra sarta Pangéran Barcelona. Masa papréntahan Ferdinand, bebarengan sisihané Isabel, wujud awal saka kajayan Spanyol ing Éropah lan ing donya.

Ingkang Sinuwun Raja Ferdinand II
Raja Aragon, Raja Napoli, lan liya-liyané.
Mréntah	1479-1516
Miyos	(1452-03-10)10 Maret 1452
	Aragon, Spanyol
Tilar donya	Januari 23, 1516(1516-01-23) (umur 63)
	Extremadura, Spanyol
Dipunsarèkaken	Capilla Real, Granada, Spanyol
Pendahulu	ISR Juan II (Aragon) ISR Louis XII (Napoli)
Pangganti	GKS Karl V, Kaisar Romawi Suci (Carlos I saka Spanyol)
Consort	Ratu Isabel I saka Kastilia
Yoga	Ratu Juana saka Kastilia Putri Isabel saka Asturias Juan, Pangéran Asturias Putri María saka Aragon Putri Catalina saka Aragon
Wangsa	Trastamara
Bapa	ISR Juan II
Ibu	Ratu Juana Enriquez

Ferdinand iku putrané Juan II saka Aragon liwat sisihan kapindhoné, bangsawan Kastilia Juana Enriques. Panjenengané palakrama karo Isabel, sadulur tiri lan pawaris takhta Raja Enrique IV saka Kastilia, ing Valladolid, 19 Oktober 1469. Panjenengané dadi raja suri Kastilia nalika Isabella munggah takhta ing Kastilia ing taun 1474. Nalika Ferdinand marisi takhta bapané ing Aragon (1479), takhta Kastilia lan takhta Aragon ing Spanyol dimanunggalaké liwat pasangan iki. Pasangan iki ditélakaké minangka Panguwasa Katulik déning Paus Aleksander VI. Awal kakuwasaan kaloroné dipigunakaké kanggo naklukaké Granada, tlatah Islam pungkasan ing Iberia, sing kasil digayuh taun 1492. Ing taun kang padha, dumadi pangusiran gedhé-gedhéan marang Muslim lan Yahudi ing Iberia, lan pangiriman Christopher Colombus sing pungkasané mawa penemon-panemonané ing Donya Anyar. Panjenengané uga napakastani Prajanjian Tordesillas (1494), sing mérang tlatah kakuwasaan Portugal lan Spanyol.

Sabanjuré panjenengané katut sajeroning rebutan tlatah-tlatah ing Italia karo Karajan Prancis, sing karan Peperangan Italia. Dibantu jendralé Gonzalo Fernández de Córdoba, Fernando kasil ngrebut manèh Napoli saka tangan Prancis taun 1504. Panjenengané uga nuli kasil ngrebut Navarra, Milan (nanging nuli direbut manèh déning Prancis), lan nggabung karo Liga Suci Venesia lan Prajanjian Westminster. Ferdinand tilar donya ing Madrigalejo, Cáceres, Extremadura, taun 1516.

Didhisiki déning: Juan II	{{{jabatan}}} 1479-1516	Diganti déning: Carlos I
Didhisiki déning: Juan II	{{{jabatan}}} 1468-1516	Diganti déning: Carlos I
Didhisiki déning: Louis XII	{{{jabatan}}} 1504-1516	Diganti déning: Carlos I
Didhisiki déning: Catalina	{{{jabatan}}} 1512-1515	Diganti déning: diserap ke Tahta Kastilia
Didhisiki déning: Enrique IV	{{{jabatan}}} 1474-1504 bebarengan Isabel I	Diganti déning: Juana lan Felipe I