Kutang
Kutang ya iku sandhangan njero kang dianggo déning wong wadon.[1] Kutang ing basa Indonesia diarani beha utawa bra. Beha utawa kang luwih kerep disingkat dadi BH ya iku singkatan saka basa Walanda, ya iku Buste Houder, kang langsung ngresep ing basa Indonesia mung singkatane.[1] Aran kang misuwur ya iku kutang, nanging tembung bra saiki wiwit nggeser tembung beha, tembung kang asalé saka basa Prancis, brassiere lan ditampa ing basa Indonesia saka nasa Inggris.[1]
Fungsi
besutKutang duwé fungsi kanggo nyecah payudara dadi kendhur, njaga ben ajeg kenceng lan nutupi payudara iku dhéwé.[2] Saiki, alah ana produk kutang kang bisa nambah fungsi kutang ya iku kanggo nggedhekake lan ngencengake payudara panganggone.[2] Kajaba iku uga ana kang bisa ndhandhani struktur payudara.[2] Kutang uga njaga supaya jaringan lemak payudara ora nyebar ana ing endi-endi mligi menyang weteng masalahe yèn ora awak bakal katon saya lemu.[2]
Babagan kasarasan
besutAkeh wong wadon kang ora sadar yèn nganggo kutang kang ora trep njalari pegel-pegel ing gegere, wong wadon ngirane iki pratandha masuk angin nanging asline pratandha yèn wong wadon iku kena lara geger.[3] Tandhane prenyakit iki krasa yèn ana rasa nyeri utawa pegel ing geger amarga nyerange saraf geger.[2] Prenyakit iki bisa kadadéan yèn wong wadon salah nganggo kutang kang ukurane ora trep. Yèn saya suwé tetep dijarke lan ora gek rikat-rikat ditambani ora mung gegere kang pegel anging malah ana kasus kang paling parah nganti kudu dioprasi.[2] Mitos kang ana ing masarakat yèn nganggo kutang pas turu bisa ndadèkaké payudara saya gedhé ora bener.[3] Wayahe turu, apike kutang dicopot amarga otot, klanjer lan organ wigati ing payudara uga butuh wektu kanggo istirahat, iki wigati banget apa manèh kanggo wong wadon kang aweane akèh ning njaba omah.[3]
Ukuran kutang saben wong wadon béda-béda. Kanggo wong wadon kang duwé ukuran payudara kang gedhé bisa nganggo kutang kang ana kawate lan busa kang ukuran cup B/C, iki gunané kanggo nyegah mbungkuk kang racaké kadadéan karo wong wadon kang duwé payudara gedhé.[3] Yèn wong wadon ora nganggo kutang kang trep, kutang mau ora bakal mampu kerja kaya samestine.[3] Apike miliha kutang kang paling trep karo ukuran payudara, mligi kanggo wong wadon kang nyusoni.[3]
Cathetan suku
besut- ↑ a b c Sejarah BH Archived 2013-02-07 at the Wayback Machine. (dipunundhuh tanggal 19 Dhésèmber 2012)
- ↑ a b c d e f Tabloid NOVA Archived 2013-04-12 at the Wayback Machine. (dipunundhuh tanggal 19 Dhésèmber 2012)
- ↑ a b c d e f cara memakai bra dengan benar Archived 2013-01-18 at the Wayback Machine. (dipunundhuh tanggal 19 Dhésèmber 2012)
Pranala njaba
besut| Wikimedia Commons duwé médhia ngenani Kutang. |
- Patents
- US PAT No. 2,433—1859 Combined breast pads and arm-pit shield
- US PAT No. 844,242—1907 Bust supporter
- US PAT No. 1,115,674—1914 Mary Phelps Jacob's Brassiere