Las Meninas
Las Meninas[1] (diucapkan [laz meˈninas]; basa Spanyol ateges Para Wanita Sing Lagi Ngentèni) ya iku lukisan taun 1656 sing ditontonaké ing Museo del Prado ing Madrid. Lukisan iki karyané Diego Velázquez, seniman sing misuwur nalika Jaman Emas Spanyol. Ciptaning lukisané sing njlimet tur mbingungi njalari tuwuhing pamikir bab kasunyatan lan ilusi, lan njalari tuwuhing rasa nggayut sing ora temtu antara pamiarsa lukisan lan wong-wong sing digambaraké. Jalaran iku, Las Meninas dadi salah siji lukisan sing paling kerep ditlitèni ngenani seni lukis Kulonan.
Lukisan kuwi nggambaraké sawijining ruang sing jembar ing Royal Alcazar ing Madrid nalika jumenengé Ratu Philip IV saka Spanyol, lan ngonjukaké sawenèh citra, sing paling bisa dititèni lan kagambar ing lukisan kuwi ya iku saka praja Spanyol, sing miturut sawenèh juru tanggep, kuwi sawijining kaanan kusus kaya ing potrèk.[2] Saweneh paraga sajeroning lukisan kuwi nyawang sanjabané kanvas, déné sing liyané padha guneman. Paraga Margaret Theresa saka Spanyol diubengi karo sakelompok maids of honour, chaperone, anggaraksa, wong cebol cacah loro, lan asu. Ing mburiné, Velázquez nggambaraké dhèwèké lagi nglukis ana ing kanvas sing jembar. Velázquez nyawang metu, marang pamiarsa.[3] Ing latar mburi awak pérangan ndhuwuré ratu lan praméswariné kawayang ing kaca pangilon. Dhèwèké kétok kaya ana ing sajabané lukisan kuwi kaya-kaya nunggal panggon karo pamiarsa, masiya sawenèh sujana nduwé pamikiran yèn gegambaran kuwi minangka wewayangan saka lukisan sing lagi digawé Velásquez.
Las Meninas uwis kawéntar minangka salah sijiné lukisan sing paling wigati ing gagrag lukis Kulonan. Sawijining citrakara gagrag Barok, Luca Giordano mratélaké yèn lukisan kuwi nglambangaké "teologining lukisan" lan ing 1827, presidhening Akademi Seni Radya, Sir Thomas Lawrence, nggambaraké lukisan kuwi ing layang kanggoné panggantiné dhèwèké, David Wilkie minangka "filosofining seni".[4] Sing paling akir-akir, lukisan iku uga digambaraké minangka "Panggayuhé Velázquez sing paling mrabawani, ya iku demonstrasining lukisan sing ngrumangsani, lan patut diecami. Uga bokmenawa tanggepan tumrap karyané minangka sing paling digoleki ing jagading lukisan kanvas".[5]
Cathetan
besut- ↑ The name is sometimes given in print as Las Meniñas, but there is no word "meniña" in Spanish.
- ↑ In 1855, William Stirling wrote in Velázquez and his works: "Velázquez seems to have anticipated the discovery of Daguerre and, taking a real room and real people grouped together by chance, to have fixed them, as it were, by magic, for all time, on canvas".
- ↑ Kahr (1975), p. 225
- ↑ Lord Sutherland Gower F. S. A., R. (1900).
- ↑ Honour and Fleming (1982), p. 447