Pédherasi Bosni lan Hércégowina

Béda saka Bosnia-Herzegovina.

Pédherasi Bosni lan Hércégowina (Federacija Bosne i Hercegovine, Федерација Босне и Херцеговине,  rungokna ) iku siji saka loro èntitas pulitik péranganing nagara Bosnia-Herzegovina (siji èntitas liyané ya iku Republika Srpska). Kaloroné diwatesi déning garis wates antar èntitas.

Pédherasi Bosni lan Hércégowina Federacija Bosne i Hercegovine Федерација Босне и Херцеговине
Tlatah Pédherasi (kuning) sajeroning Bosnia-Herzegovina Distrik Brčko (pink) diduwèni bebarengan karo RS.2
Kuthagara lan	Sarajevo
Jawatbasa	Basa Bosnia, Basa Kroasia and Serbian
Budayawangsa (2002)	Bosniak: 70% Kroat: 28% Serb: 1.4% Others: 0.6%
Papréntahan	Sistem Parlemèntèr
• Présidhèn	Živko Budimir
• Mahamantri	Nermin Nikšić
Èntitas Bosnia-Herzegovina  Èntitas Bosnia-Herzegovina
• Kawangun	18 Maret 1994
• Diakoni ing konstitusi BiH	14 Dhésèmber 1995
Pijembar
• Gunggung	26,110.5 km2 (10,081.3 sq mi)
• Banyu (%)	N/A
Population
• Pikira-kira 2007	3,064,413
• Cacahjiwa 1996	2,444,6653
• Ketebdunung	117/km2 (303.0/sq mi)
Artacihna	Mark (BAM)
Laladan wektu	UTC+1 (CET)
• Mangsa ketiga (AKK)	UTC+2 (CEST)

Pédherasi Bosni lan Hércégowina mligi dipanggoni déning ètnik Bosniak lan Kroat, mula iku kanthi ora resmi karan Pédherasi Bosniak-Kroat. Sanadyan mangkono, miturut kaputusan Mahkamah Konstitutional ing taun 2001, ètnik Serb uga dadi konstituèn katelu sajeroning Pédherasi. Semana uga marang ètnik Bosniak lan Kroat ing Republika Srpska. Pédherasi iki diwangun miturut Perjanjèn Washington kang ditandhatangani tanggal 18 Maret, 1994, kang nganakaké sawijining Déwan Konstituèn utawa (Ustavotvorna skupština/Ustavotvorbeni Sabor). Déwan iki nyambut gawé nganti sasi Oktober 1996.

Pédherasi iki duwé ibukutha dhéwé uga pamaréntahan, gendéra, lambang, présidhèn, parlemèn, pulisi, imigrasi, kator pos lan perusahaan penerbangan dhéwé (BH Airlines). Uga duwé bala dhéwé ya iku Vojska Federacije Bosne i Hercegovine, sanadyan ana ing ngisor pangawasan Mantri Pertahanan Negara Bosnia-Herzegovina, semana uga bala èntitas sijiné ya iku Vojska Republike Srpske. Tentara èntitas (kalebu Vojska Republike Srpske) kudu wis nggabung ing pungkasan taun 2005 lan Mantri Pertahanan èntitas kudu wis dibusak lan dadi siji ing tanggal 1 Januari, 2006. Ing tanggal 6 Juni, 2006 kaloroné wis dadi siji dadi Angkatan Bersenjata Bosnia-Herzegovina kang dikontrol déning Mantri Pertahanan Bosnia-Herzegovina.

Sajarah

Pédherasi Bosni lan Hércégowina dibangun miturut Perjanjèn Washington ing sasi Mèi 1994. Miturut perjanjèn iki, kombinasi tlatah kang dikuwasani déning wadyabala Kroat lan Bosniak (pérangan Kroat kalebu Republik Kroasia Herzeg-Bosnia) kang dipérang dadi 10 kanton otonom. Sistem kanton dipilih kanggo nyegah dominasi déning siji golongan ètnik marang ètnik liyané.

Ing taun 1995, wadyabala pamaréntah Bosnia lan wadyabala Kroat Bosnia saka Pédherasi Bosni lan Hércégowina ngalahaké wadyabala sempalan Provinsi Otonom Bosnia Kulon (pimpinan Fikret Abdic, lan tlatah iki banjur disawijèkaké marang tlatah Pédherasi.

Miturut Perjanjèn Dayton taun 1995, Pédherasi Bosni lan Hércégowina iku sawijining èntitas saka loro èntitas Bosnia-Herzegovina lan duwé tlatah 51% saka tlatah Bosnia-Herzegovina (èntitas liyané ya iku Republika Srpska duwé tlatah 49%).

Ing tanggal 8 Maret 8, 2000, Distrik Brčko ditemtokaké minangka èntitas otonom ing Bosnia-Herzegovina lan dumadi saka pérangan tlatah kaloro èntitas. Distrik Brčko saiki dadi tlatah kang didarbèni déning kaloro èntitas mau.

Pamérangan admisistratif

Kanton-kanton Pédherasi Bosni lan Hércégowina.

Pédherasi Bosni lan Hércégowina dipérang sajeroning 10 kanton (utawa županija):

1. Una-Sana, Unsko-Sanski Kanton
2. Posavina, Posavski Kanton
3. Tuzla, Tuzlanski Kanton
4. Zenica-Doboj, Zeničko-Dobojski Kanton
5. Bosnian Podrinje, Bosanskopodrinjski Kanton
6. Bosnia Tengah, Srednjebosanski Kanton
7. Herzegovina-Neretva, Hercegovačko-neretvanski Kanton
8. Herzegovina Kulon, Zapadnohercegovački kanton
9. Sarajevo, Kanton Sarajevo
10. Canton 10, Kanton 10.

Lima kanton (Una-Sana, Tuzla, Zenica-Doboj, Bosnian Podrinje lan Sarajevo) minangka kanton kang kang ndunungi mayoritasé ètnik Bosniak, telu (Posavina, West Herzegovina lan Canton 10) mayoritas ètnik Kroat, lan loro (Bosnia Tengah lan Herzegovina-Neretva) campuran, tegesé ana prosedur legislasi kusus kanggo nglindhungi konstituèn golongan ètnik.

Kutha-kutha

Kutha-kutha gedhé ing Pédherasi Bosni lan Hércégowina.

Pratélan kutha gedhé ing Pédherasi Bosni lan Hércégowina:

• Sarajevo
• Zenica
• Tuzla
• Mostar
• Bihać
• Bugojno
• Brčko (kutha)
• Travnik
• Cazin
• Velika Kladuša
• Visoko
• Goražde
• Konjic
• Gračanica
• Gradačac
• Bosanska Krupa
• Zavidovići
• Živinice
• Sanski Most
• Lukavac
• Kakanj
• Livno
• Odžak

Dhémografi

     Serb Bosnia      Kroat Bosnia      Bosniak]] Pédherasi Bosni lan Hércégowina dumadi saka 51% saka tlatah Bosnia-Herzegovina, lan dadi papan 60% saka total populasi. Kabèh data bab populasi, kalebu distribusi ètnik, manawa akèk klèruné amarga kurangé data sènsus resmi.

1991

Ing taun 1991, populasi Pédherasi Bosni lan Hércégowina ana 2,757,888 jiwa, kalebu: [1]

• Bosniak = 1,436,498 (52.1%)
• Kroat = 610,458 (22.1%)
• Serb = 485,933 (17.6%)
• Liya = 224,999 (8.2%)

1996

Ing taun 1996, populasi Pédherasi Bosni lan Hércégowina ana 2,444,665 jiwa, kalebu: [2]

• Bosniak = 1,773,566 (72.5%)
• Kroat = 556,289 (22.8%)
• Serb = 56,618 (2.3%)
• Liya = 58,192 (2.4%)

Gladri

• 
  Počitelj-Old Turkish village near Mostar.
• 
  Mostar-Stari Most (Old bridge) built by Ottoman Turks.
• 
  Sarajevo-View from east.
• 
  Pliva Waterfall.
• 
  Troglav.
• 
  Vrelo Bosne.

Uga delengen

• Republika Srpska
• Political divisions of Bosnia and Herzegovina
• PBSBiH
• Federation Television (FTV)
• Croatian Republic of Herzeg-Bosnia
• Western Bosnia

Pranala njaba

• Website of the Federal Government Archived 2011-02-24 at the Wayback Machine.
• Parliament of the Federation Archived 2009-02-25 at the Wayback Machine.

Cithakan:Political Divisions of Bosnia and Herzegovina