Salat tahajud

Salat Tahajud yaiku salat kang dilakoni ing wayah tengah wengi ing antarané salat isya lan Salat shubuh sawisé tangi turu. Gunggung rokaat salat tahajud paling sethithik 2 rokaat tekan ora ana watesé. Nalika arep turu apiké maca ayat kursi, surat al ikhlas, surat al falaq lan surat an nas.

Rentang Wektu

Rentang wektu salat Tahajud bisa dipara dadi 3 pérangan, yaiku:

1. Saprotelon wengi pertama: kira-kira jam 19.00 – 22.00
2. Saprotelon wengi ka-loro: kira-kira jam 22.00 – 01.00
3. Saprotelon wengi ka-telu: kira-kira jam 01.00 – 04.00.

Hukum

Hukum salat Tahajjud yaiku sunat muakkadah. Salat sunat iki didhasarake kanthi dalil saka Al-Qur-an, Sunat Rasulullah shallallaahu ‘alaihi wa sallam, lan ijma’ kaum Muslimin.

Dalil saka Al Quran

1. “Dhèwèké banget sthike turu ing wayah wengi, lan ing akir-akir wengi dhèwèké njaluk ngapura (Marang Allah).” (Adz-Dzaariyaat: 17-18)
2. “Lambunge dhèwèké adoh saka paturon, dhèwèké ndo'a marang Rabb-e kanthi rasa wedi lan ngarep, lan dhèwèké nafkahke sapérangan saka rizki kang Kita wenehake marang dhèwèké. Sawijining wong ora ngerteni apa kang diumpetake yaiku (macem-maceme nikmat) kang nyenengake pandelengan mripat, dadi alesan kanggo apa kang wis dhèwèké lakokake.” (As-Sajdah: 16-17)
3. “(Apa kowe hai wong musyrik kang luwih untung) utawa wong kang ngibadah ing wayah wengi kanthi sujud lan berdiri, lagi dhèwèké wedi marang (adzab) akhirat lan ngarepake rahmat saka Allah” (Az-Zumar: 9)
4. “Lan ing sapérangan wayah wengi padhaha salat Tahajud….” (Al-Israa’: 79).

Dalil saka Hadist

1. “Pasa kang paling utama sawisé pasa Ramelan yaiku pasa ing wulan Muharram. Salat kang paling utama sawisé salat wajib yaiku salat wengi.” (Hadits shahih, diriwayatke saka Muslim ing kitab Ash Shiyam, hadits no. 1163).

Tata Cara

Persiapan sadurungé salat:

1. Turu dhisik
2. Tangi ing sepertelune wengi
3. Nganggo siwak utawa sikatan, banjur wudhu lan nganggo klambi resik.

Cara Nglakoni

• Niat salat Tahajjud ing sajeroning ati.
• Maca Iftitah
• Maca al Fatihah
• Maca salah siji surat ing jero al quran
• Ruku'
• I'tidal
• Sujud kapisanan
• Lungguh ing antarané 2 sujud
• Sujud kapindho
• Sawisé rampung rakangat pertama, lakokake manèh rokaat kapindho kaya cara ing dhuwur, banjur Tasyahhud akir sawisé rampung maca salam pimg pindho.

Do'ane Tahajud

Rabbanaa aatina fid-dun-yaa hasanataw wa fil aakhirati hasanataw wa qinaa adzaaban-naar.

ing hadits Bukhari, rasulullah manawa wungu sare ing tengah wengi banjur tahajud maca donga:

اَللّهُمَّ لَكَ الْحَمْدُ أَنْتَ نُوْرُ السَّمَاوَاتِ وَاْلأَرْضِ وَمَنْ فِيْهِنَّ، وَلَكَ الْحَمْدُ أَنْتَ قَيِّمُ السَّمَاوَاتِ وَاْلأَرْضِ وَمَنْ فِيْهِنَّ، وَلَكَ الْحَمْدُ أَنْتَ رَبُّ السَّمَاوَاتِ وَاْلأَرْضِ وَمَنْ فِيْهِنَّ، وَلَكَ الْحَمْدُ لَكَ مُلْكُ السَّمَاوَاتِ وَاْلأَرْضِ وَمَنْ فِيْهِنَّ، وَلَكَ الْحَمْدُ أَنْتَ مَلِكُ السَّمَاوَاتِ وَاْلأَرْضِ، وَلَكَ الْحَمْدُ، أَنْتَ الْحَقُّ، وَوَعْدُكَ الْحَقُّ، وَقَوْلُكَ الْحَقُّ، وَلِقَاؤُكَ الْحَقُّ، وَالْجَنَّةُ حَقٌّ، وَالنَّارُ حَقٌّ، وَالنَّبِيُّوْنَ حَقٌّ، وَمُحَمَّدٌ حَقٌّ، وَالسَّاعَةُ حَقٌّ، اَللّهُمَّ لَكَ أَسْلَمْتُ، وَعَلَيْكَ تَوَكَّلْتُ، وَبِكَ آمَنْتُ، وَإِلَيْكَ أَنَبْتُ، وَبِكَ خَاصَمْتُ، وَإِلَيْكَ حَاكَمْتُ. فَاغْفِرْ لِيْ مَا قَدَّمْتُ وَمَا أَخَّرْتُ، وَمَا أَسْرَرْتُ وَمَا أَعْلَنْتُ، أَنْتَ الْمُقَدِّمُ وَأَنْتَ الْمُؤَخِّرُ، لاَ إِلٰهَ إِلاَّ أَنْتَ، أَنْتَ إِلٰهِيْ لاَ إِلٰهَ إِلاَّ أَنْتَ

Kautaman Tahajud

Rasulullah SAW ngendika: “Barang sapa salat Tahajud kanthi apik, lan tertib kang rapi, Allah bakal menehake 9 kemuliaan: 5 macem ing donya lan 4 macem ing akhirat.” Lima kautamaan ing donya yaiku:

1. Diadohake déning Allah saka bencana
2. Tandha taate ketok ing praupane
3. Bakal ditresnani para hamba Allah kang shaleh lan kabèh manungsa.
4. Ilate bisangucap ukara kang ngandut hikmah.
5. Bakal didakekake wong wicaksana.

Papat kautamaan ing akhirat, yaiku:

1. Raine sumringah nalika tangi saka kubur ing dina piwales
2. Bakal éntuk keringanan nalika di hisab
3. Bisa rikat kaya guntur nalika nyebrang kreteg Shirotol Mustaqim
4. Cathetan amale diwènèhake ing tangan tengen.