Sindrom Klinefelter
Sindrom Klinefelter ya iku kelainan genetik ing wong lanang kang diakibataké déning akèhé kromosom X.[1] Wong lanang lumrahé duwé kromosom sèks wujud XY, nanging panyandhang sindrom klinefelter lumrahé duwé kromosom sèks XXY.[1] Panyandhang sindrom klinefelter bakal ngalami infertilitas, keterbelakangan mental, lan gangguan perkembangan ciri-ciri fisik ing antarané wujud ginekomastia (klenjar susu kang gedhé) lan mrebawani marang gedhéné payudhara, lsp.[1]
Laporan wiwitan ngenani sindrom klinefelter kawanuhaké déning Harry Klinefelter lan kancané ing Rumah Sakit Massachusetts, Boston.[2] Nalika iku kacathet 9 pasien lanang kang duwé payudhara kang saya suwé saya gedhé, duwé rambut ing awak, tèstis saya cilik, ora patiya mampu mrodhuksi spèrma.[2] Ing taun 1950-an, para ilmuwan nemu manawa sindrom kang dialami déning 9 pasienmau disebabaké déning kromosom X tambahan ing wong lanang mula duwé kromosom XXY.[2] Ing taun 1970-an, para ilmuwan kandha manawa kelainan klinefelter minangka salah sawijining kelainan genetik kang ana ing manungsa ya iku 1 saka 500 nganti 1 saka 1.000 bayi lanang kang dilairaké bakal kena sindrom iki.[2]