Sistem indriya

Sistem indriya kéwan iku nggordhinasi piranti indriya kanggo ngenal donya ing njaba. Indriya njaba kang wujud pandelengan, pangrungu, pangraba, pangecap, lan pangambu dipigunaaké kanggo njupuk utawa olèh informasi saka njaba. Sauntara indriya njero duwé tugas nekakaké informasi saka njero awak, upamané rasa pegel, ngelih, ngelak utawa lara.

Kabèh informasi kang dipikantuk dianalisa ing utek supaya ngasilaké respon utawa tanggepan. Organ indriya dipirantèni sel reseptor kanggo nanggapi rangsang fisik utawa kimia. Sajinis reseptor mung bisa nanggepi sajinis rangsang. Rangsang diowahi dadi impuls saraf kang ngubungaké organ indriya karo utek.

Indriya njaba

Lima indriya njaba utawa indriya eksternal ya iku:

Indriya	Organ	Sel-sel sensitif	Rangsang
Pandelengan	mata	cone lan rod	cahya
Pangrungu	kuping	organ korti	glombang swara
Pangecap	ilat	puting pangecap	kontak kimia
Pangambu	irung	sel-sel alfactory (pangambu)	komtak kimia
Pangraba	kulit	korpuskel taktil	kontak fisik