Terna

Terna iku tetuwuhan kang batangé empuk amarga ora mbentuk kayu. Tetuwuhan kang kaya mangkénéiki bisa wujud tetuwuhan sausum, tetuwuhan rong usum, utawa uga tetuwuhan taunan. Sing bisa diarani terna lumrahé ya iku kabèh tetuwuhan mawa pambuluh (tracheophyta). Lumrahé sebutan iki mung dipigunakaké kanggo tetuwuhan kang ukurané cilik (kurang saka rong mèter) lan ora dipigunakaké ing tetuwuhan non-kayu kang mrambat (digolongaké tetuwuhan mrambat).

Salvia lyrata, sajenis terna.

Ing laladan tropika akèh ditemoni terna kang taunan, sauntara ing laladan kanthi iklim sedheng terna racaké banget asifat musiman: pérangan aerial (kang tuwuh sadhuwuring lemah) luruh lan mati ing usum kang kurang selaras (racaké usum adhem) lan tuwuh manèh ing usum kang selaras.

Sok-sok terna uga ngasilaké jaringan kayu (kalignifikasi) ing pérangan bongkot batang utama.

Istilah "herba" ing botani ngrujuk marang terna, nanging ing babagan pangobatan "herba" ateges pérangan tetuwuhan segar utawa ngandhut banyu dhuwur kang kanggo bahan panyeger (topunikam), pangobatan, utawa bahan panyulingan kanggo dijupuk lenga atsiriné.

Pirsanana uga

• Liana
• Wit

Pranala njaba

• http://www.myherbs-farm.com Archived 2011-02-07 at the Wayback Machine.
• (ing basa Malayu) http://www.hpa.com.my/main/sihat/herba/main_herba.php Archived 2008-09-28 at the Wayback Machine.