White Watson
White Watson (lair ing Sheffield, 10 April 1760 – pati ing Bakewell, 8 Agustus 1835 ing umur 75 taun) inggih punika ahli géologi lan pemahat Inggris, tukang watu ugi pematung, agen lan tukang damel marmer sarta watu hias. Kanthi umum kados kathahing tiyang ingkang sinau saking pengalaman, White Watson prigel wonten ing babagan seni lan ilmiah. Dados panyerat, penyair, wartawan, guru, ahli botani lan ahli kebon sarta ahli géologi ugi watuan mineral. White Watson tansah nyathet lan damel skètsa wonten ing buku padintenanipun babagan panalitèn géologi, fosil lan mineral, flora lan fauna, sarta nerbitaken sapérangan alit nanging wigati manéka seratan ilmiah babagan géologi lan katalogipun. Minangka seniman piyambakipun kondhang ing lingkungan mriku kanggé karya siluet, saé mawi kertas ugi mawi lapisan marmer.
| White Watson | |
|---|---|
 siluet dhiri | |
| Lair | 10 April 1760 Sheffield |
| Pati | 8 Agustus 1835 Bakewell |
| Bangsa | Cithakan:BRI |
| Wong tuwa | Samuel lan Martha White |
Pagesangan 1760-1800
besutWhite Watson wiyos wonten in Whitely Wood Hall, Whiteley Woods,[1] celak Sheffield nalika tanggal 10 April 1760. Bapakipun, Samuel Watson punika tukang damel watu panggiling saking Baslow, Derbyshire. Ibunipun, Martha White (punika dados nama ngajeng White). Simbah buyut Watson, Samuel Watson lan simbahipun ingkang ugi namanipun Samuel Watson sampun ngukir lan dados tukang watu ing pambangunan malih Chatsworth House antawisipun taun 1687 dumugi taun 1706. Nglajengaken tradisi kulawarga, taun-taun salajengipun White Watson ugi nyambut damel wonten ing Chatsworth Estate.
Nalika taksih alit, White Watson remen kaliyan watuan mineral lan fosil lajeng wiwit ngoleksi sarta ngempalaken conto-conto kanggé dipunsadé marang pak-cilikipun, Henry Watson ingkang dados tukang damel marmer ing Bakewell lan Ashford-in-the-Water saking wiwitan taun 1750-an. Kajawi punika piyambakipun ingkang yasa lan ingkang gadhah pamolesan marmer mawi tenaga toya ing Ashford-in-the-Water.[2] Henry Watson gadhah kawigatèn marang wiwitan sesadéan florit Blue John lan Marmer Ireng Ashford, ugi nyameptakaken jogan (lantai) ireng lan putih ingkang saé kuwalitasipun kanggé Great Hall ing Chatsworth House taun 1779.[2] Nalika nilaraken Sekolah Sheffield nalika umur 14 taun, White Watson manggèn kaliyan pak-cilikipun sarta magang marang pal-cilikipun wiwit 31 Mèi 1774. Miturut katalogipun ingkang sapunika kasimpen wonten ing Perpustakaan Sheffield, piyambakipun wiwit ngoleksi fosil lan watuan marmer ing taun ingkang sami. Ing taun 1782 piyambakipun promosi minangka pemahat lan pematung sarta mbiyantu pak-cilikipun usaha.
Karya ingkang slamet
besut
Karyanipun kapisah-pisah lan dipunsadé nalika White Watson séda. Nanging conto marmer lan watuan kapur kagunganipun slamet ing makam kulawarga Foljambe ing Gréja Bakewell, satunggaling plakat ing Kapel St. George, Windsor kanggé George III saking taun 1789 lan sapérangan 'tablet' géologi ingkang kantun. Karya 'tablet'ipun "Tugelan Gunung ingDerbyshire" lan "Tugelan Strata lengkung anèh ing Ecton Hill" sapunika wonten ing Museum Derby. Kajawi punika ugi wonten sanèsipun.[3]
'Tablet' sanès ingkang taksih kapanggihaken kalebet salinan ingkang sejaman kados ing Musiyum Derby, wonten ing Musiyum Sajarah Alam, London Musiyum Universitas Oxford, Chatsworth House, Musiyum Manchester, lan Musiyum Leicester. Katalog manuskrip Watson babagan Kolèksi Mineral Chatsworth taksih kasimpen ing Chatsworth House sareng kaliyan kathah conto ingkang dipunkempalaken kanggé kolèksi. Sanajan pirang-pirang taun boten keurus, kolèksinipun piyambak kalebet conto-conto kagunganipun White Watson kathahipun dipunrestorasi ing Chartsworth House bibar langkung saking 10 taun restorasi ingkang èwet sanget déning Yayasan Russell.Katalog Karakter Eksternal saking Fosil, déning White Watson F.L.S. Bakewell, Derbyshire. 1798 (A Catalogue of the External Characters of Fossils) kapanggihaken nalika prosès restorasi. Ugi kasimpen wonten ing Chatsworth House. Cathetan padintenanipun saking taun 1780-1831 wonten ing Koleksi Bagshawe ing Perpustakaan Kutha Sheffield, sareng kaliyan katalog fosilipun.
Cathetan suku
besut- ↑ Ford, Trevor D., 'White Watson's Tablets', Geology Today 14:1 (1998), 21-25
- ↑ a b Cooper, Michael P. (30 April 2005). "The Devonshire Mineral Collection of Chatsworth House". Mineralogical Record.
- ↑ Newsletter of the Géological Curators Club Archived 2011-07-16 at the Wayback Machine., Vol 1, No. 8, 1976.
Réferènsi sanès:
- The Derbyshire Archaeological Journal, 1889
- Ford, Trevor D. 'White Watson and his Géological Sections', Proceedings of the Géologist's Association, vol 71 part 4, 1960. Paper received by the Association 09.05.1958
- Ford, Trevor D. 'White Watson: Pioneer Derbyshire Géologist', Bulletin of the Peak District Mines Historical Society, Vol.1 No.7 (October 1962), pp. 27–37.
Pranala njawi
besut| Wikimedia Commons duwé médhia ngenani White Watson. |
- History of and Russell Society work on the Chatsworth Collection, including details of the Watson catalogue and his work for Chatsworth http://www.blnz.com/news/2008/04/23/DEVONSHIRE_MINERAL_COLLECTION_Chatsworth_House_8972.html