ბარელი

ბარელი (ინგლ. barrel, ძირითადი მნიშვნელობა - კასრი), ტევადობისა და მოცულობის საზომი. იხმარება დიდ ბრიტანეთში, აშშ-ში და იმ ქვეყნებში, სადაც გამოიყენება საზომთა ინგლისური სისტემა. აშშ-ში განასხვავებენ მშრალ ბარელს, რომელიც 115,628 დმ³ ტოლია, და ნავთობის ბარელს - 158,988 დმ³. ინგლისური ბარელი (ფხვიერი ნივთიერების ტევადობის საზომი) 163,65 დმ³ ტოლია.

«ცისფერი ბარელი»

ამერიკული ბარელი—ნავთობის მოცულობის საზომი ერთეული, ტოლია 42 გალონის ან 158,988 ლ. ბარელის შემოკლებული დასახელება — bbl (blue barrel). ფერის წარმოშობის შესახებ არსებობს სხვა და სხვა ინფორმაცია - თითქოს თავდაპირველად ნედლი ნავთობი ცისფერი ფერის კასრებით გადაჰქონდათ განსხვავებით წითელი კასრისგან, რომლებშიც სხვა ნავთობ პროდუქტების გადაზიდვა ხდებოდა. ზოგიერთის აზრით კომპანია ”Standard Oil of California”-ის საფირმო ფერი შემოაპარეს.

ლიტერატურა

• ქართული საბჭოთა ენციკლოპედია, ტ. 2, თბ., 1977. — გვ. 207.