ევორა

ევორა (პორტ. Évora; [ˈɛvuɾɐ]) – ქალაქი სამხრეთ-აღმოსავლეთ პორტუგალიაში. მდებარეობს ლისაბონიდან აღმოსავლეთით 120 კმ-ზე. 2001 წლის მონაცემებით ქალაქში ცხოვრობს 55 621 ადამიანი. ალტუ-ალენტეჟუს ისტორიული პროვინციის ცენტრი.

ქალაქი
ევორა Évora
ქალაქის ხედი ეკლესიის სახურავიდან
დროშა გერბი
ქვეყანა	პორტუგალია
ისტორიული ოლქი	ალტუ-ალენტეჟუალტუ-ალენტეჟუ
რეგიონი	ევორა
შიდა დაყოფა	19 რაიონი
კოორდინატები	38°33′00″ ჩ. გ. 7°57′00″ დ. გ.
ქალაქის მერი	ერნესტუ ოლივეირა
დაარსდა	1166
ფართობი	1307 კმ²
ცენტრის სიმაღლე	295 მეტრი
მოსახლეობა	55621 კაცი (2001)
სიმჭიდროვე	43 კაცი/კმ²
სასაათო სარტყელი	UTC+0, ზაფხულში UTC+1
სატელეფონო კოდი	266
საფოსტო ინდექსი	7000
ოფიციალური საიტი	cm-evora.pt
ევორა ვიკისაწყობში

მსოფლიო მემკვიდრეობა UNESCO, ობიექტი № 361 ინგლ. • რუს. • ფრ.

ისტორია

ქალაქი დააარსეს ლუზიტანებმა და უწოდეს ებორა. 712 წელს ქალაქი დაიპყრეს მავრებმა, რომლებმაც ქალაქს ჟაბურო უწოდეს. ევორის გასანთავისუფლებლად პორტუგალიის პირველმა მეფემ აფონსო I დააარსა ავისის ორდენი.

XV-XVI საუკუნეებში ავისის დინასტიის მეფეების მმართველობისას ევორაში ხშირად იმყოფებოდა სამეფო კარი. ეს პერიოდი ევორის ისტორიაში ცნობილია ოქროს საუკუნის სახელით. 1663-1665 წწ. ოკუპირებული იყო ესპანეთის მიერ. 1559-1759 წწ. ქალაქში მუშაობდა უნივერსიტეტი. XVIII საუკუნეში ქალაქის პოლიტიკური და კულტურული მნიშვნელობა დაეცა.

ღირსშესანიშნაობები

ევორა წარმოადგენს ქალაქ-მუზეუმს და 1986 წლიდან ქალაქის ცენტრალური ნაწილი შეტანილია იუნესკოს მსოფლიო მემკვიდრეობის ძეგლების სიაში.

არქიტექტურული ძეგლები:

• დიანას რომაული ტაძარი
• მეფე მანუელის სასახლე
• ეკლესია სე — აშენებულია 1280-1340 წწ. რომაულ-გოთიკურ სტილში.
• სანტა-კლარას მონასტერი
• სანტა-ბენტუ-დი-კაშტრიშის ეკლესია
• აგუა-დე-პრატის აკვედუკი
• სან-ბრაშის სამლოცველო
• სან-ფრანსისკუს ეკლესია
• ვასკო და გამას სასახლე
• ბასტუ – გრაფის სასახლე
• ჰერცოგ კადავალის სასახლე

სხვა საინტერესო ადგილები:

• ევორის უნივერსიტეტი
• ევორის საქალქო მუზეუმი
• საეკლესიო ხელოვნების მუზეუმი

რესურსები ინტერნეტში

• ოფიციალური საიტი დაარქივებული 2012-10-22 საიტზე Wayback Machine.
• იუნესკოს მსოფლიო მემკვიდრეობის ძეგლი