კულდიგა

კულდიგა (ლატვ. Kuldīga), გოლდინგენი გერმ. Goldingen) — ქალაქი ლატვიაში. კულდიგის მხარის ადმინისტრაციული ცენტრი. მდებარეობს ლატვიის დასავლეთ ნაწილში, კურზემეს ისტორიულ რეგიონში, მდინარეების ვენტისა და ალეკშუპიტეს შესართავთან, რიგიდან დასავლეთით 150 კმ-ის დაშორებით.

ქალაქი
კულდიგა Kuldīga
ქალაქის თვითმმართველობის შენობა
დროშა გერბი
ქვეყანა	ლატვია
დაქვემდებარება	სამხარეო დაქვემდებარების ქალაქი
რეგიონი	კურზემეკურზემე
მხარე (ლატვია)|ლიტვის მხარეები|მხარე	კულდიგა
კოორდინატები	56°58′02″ ჩ. გ. 21°58′12″ ა. გ.
დაარსდა	1378
პირველი ხსენება	1242
ამჟამინდელი სტატუსი	1378
ფართობი	13,2 კმ²
მოსახლეობა	11768  კაცი (2016)
სიმჭიდროვე	905,2 კაცი/კმ²
სასაათო სარტყელი	UTC+2, ზაფხულში UTC+3
სატელეფონო კოდი	(+371) 633
საფოსტო ინდექსი	LV-3301
ოფიციალური საიტი	http://www.kuldiga.lv
კულდიგა ვიკისაწყობში

ისტორია

გოლდინგენის ციხესიმაგრეს საფუძველი ჩაუყარა ტევტონთა ორდენის ლანდმეისტერმა დიტრიხ ფონ გრიუნინგენმა. ციხესიმაგრის გარშემო წარმოქმნილმა დასახლებამ ქალაქის სტატუსი მიიღო 1378 წელს და შეუერთდა ჰანზის კავშირს. XVII საუკუნეში აქ მდებარეობდა კურლანდიის ჰერცოგის ერთ-ერთი რეზიდენცია.

ღირსშესანიშნაობები

თაღოვანი ხიდი კულდიგაში

განსხვავებით ლატვიის სხვა ქალაქებისაგან, კულდიგის ცენტრი გადაურჩა მრავალრიცხოვან ომებს და ხანძარს. აქ დაცულია ორიგინალური ხის არქიტექტურა, რომელიც თარიღდება XVI-XVII საუკუნეებით.

მთავარ ღირსშესანიშნაობებს წარმოადგენენ - ქალაქის ისტორიული ცენტრი და 1874 წელს არქიტექტორ ოტო დიტცეს მიერ აგებული აგურის თაღოვანი ხიდი მდინარე ვენტაზე (რეკონსტრუქცია ჩაუტარდა 2008 წელს).

ქალაქის ისტორიული ცენტრი 2011 წლის 18 აპრილიდან წარდგენილია იუნესკოს მსოფლიო მემკვიდრეობის ძეგლების საცდელ სიაში.

მდინარე ვენტაზე მდებარეობს ევროპაში ყველაზე განიერი ჩანჩქერი (სიგანე 249 მეტრი).

იხილეთ აგრეთვე

• იუნესკოს მსოფლიო მემკვიდრეობის ძეგლები ლატვიაში

რესურსები ინტერნეტში

• კულდიგის მხარის ოფიციალური საიტი
• ინფორმაცია კულდიგაზე ტურისტულ პორტალ mesta.lv-ზე
• [http://vietvardi.lgia.gov.lv/vv/to_www_obj.objekts?p_id=16034 ინფორმაცია კულდიგაზე ტოპონიმიკურ ბაზაში